Վարորդներն ուրախացան, մնում է տնտեսվարողներն էլ ուրախանան. «Փաստ»
«Փաստ» օրաթերթը գրում է.
Պետական եկամուտների կոմիտեի պաշտոնական կայքում ապրիլի 10–ից գործում է ավտոմեքենաների մաքսային արժեքի ավտոմատ հաշվիչը: Այսինքն, այսուհետ ավտոմեքենա ներկրել պատրաստվող քաղաքացիները կարող են նախապես իմանալ, թե մաքսազերծման ժամանակ ինչ վճարումներ պետք է կատարեն:
Ասել է թե, ՊԵԿ–ը թափանցիկ գործունեության շրջանակներում ավտոմեքենաների մաքսային արժեքը սահմանելու գործընթացը դարձրել է, ինչպես Կարեն Կարապետյանն է սիրում ասել, առավել թափանցիկ, հրապարակային, վստահելի և կանխատեսելի:
Եվ այսպես, դրսից մեքենա ներկրելուց առաջ նախ հարկավոր է այցելել petekamutner.am կայքի գլխավոր էջում տեղադրված էլեկտրոնային ծառայություններ բաժինը: Այստեղ մուտքագրելով ընդամենը ավտոմեքենայի մակնիշը, տարեթիվը, շարժիչի հզորությունը և պահանջվող մյուս տվյալները՝ ավտոմատ համակարգը կհաշվարկի մաքսազերծման համար անհրաժեշտ մաքսատուրքը, բնապահպանական վճարը և ԱԱՀ–ն:
Այսինքն, այն ամբողջ գումարը, որն անհրաժեշտ է առանց ավելորդ նյարդեր քայքայելու գաղափար կազմել, թե մեքենայի փաստաթղթերը ձևակերպելու և «տուն» տանելու համար ինչքան գումար է հարկավոր կողք դնել:
Սա, անշուշտ, ՊԵԿ–ի կողմից կատարված մեծ քայլերից մեկը կարելի է համարել, բայց անկեղծ ասած, լավ կլիներ, որ մի այդպիսի հաշվիչ կայք էլ գործարկվեր հարկ վճարողների համար, որպեսզի տնտեսվարողներն էլ կարողանային ինքնուրույն հաշվարկել, թե ինչքան հարկ ու տուրք պետք է վճարեն:
Ի դեպ, լավ կլիներ նաև, որ այդ ամբողջ ինֆորմացիան հասանելի լիներ, որպեսզի քաղաքացիները մինչև ձեռնարկատիրական գործունեություն սկսելը կարողանային պատկերացում կազմել, թե այս կամ այն դեպքում որտեղից պետք է սկսեն, ուր գնան, որտեղ ինչքան գումար պետք է վճարեն, ինչ փաստաթղթերի համար և այլն: Նման տեղեկություն տրամադրելը կնպաստի նաև, որ օրենքով նախատեսված բոլոր փոփոխությունները հաշվի առնելով, սովորական Ա/Ձ ունեցողները խուճուճ օրենքների պատճառով ստիպված չլինեն տույժ տուգանքների տակ չընկնելու համար հաշվապահ վարձել:
Մի խոսքով, ինչքան թափանցիկ, թեթև, այնքան արդյունավետ ու օգտակար բիզնեսի զարգացման համար: Այդ դեպքում, ինչպես հիմա մաքսային տեսուչների պարագայում է, տնտեսվարողները «հարկայինին» ոչ թե իրենց հոշոտելու պատրաստ գազանի պես կընդունեն, այլ կտեսնեն, որ ամեն ինչ արվում է, որպեսզի բիզնեսմենի աշխատանքն արդյունավետ լինի:
Կարճ ասած, դա միայն կօգնի, որ, ինչպես Կարեն Կարապետյանն է ասում, գործընթացներն ավելի թափանցիկ, հրապարակային, վստահելի և կանխատեսելի դառնան:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
