««Ոսկե դպրոց»-ի երկրորդ եթերաշրջանում հետաքրքիր զարգացումներ են սպասվում».Վաչե Թովմասյան
Ապրիլի 3-ից Ucom ցանցում գործող «Արմենիա Պրեմիում» հեռուստաալիքի երեկոյան եթերում կսկսվի «Ոսկե դպրոց» սիթքոմի երկրորդ եթերաշրջանը: Tert.am Life-ը եղել է սիթքոմի նկարահանման հրապարակում և սպասվող զարգացումների մասին զրուցել «Ոսկե դպրոց»-ի պրոդյուսեր, գլխավոր դերակատար ու սցենարի համահեղինակ Վաչե Թովմասյանի հետ:%20copy.jpg?1522327435366)
Վաչեն նկատեց, որ նախագիծն ունեցել է լայն արձագանք, թեև սիթքոմը հասանելի է եղել միայն «Արմենիա Պրեմիում»-ի եթերում, Youtube–ում էլ ապօրինի հայտնվելու փորձերը կանխվել են։ Վաչեի խոսքով` սիթքոմի երկրորդ եթերաշրջանը սկսելու որոշմանը մեծապես նպաստել է բարձր դիտելիությունն ու մարդկանց դրական արձագանքը:%20copy.jpg?1522327759375)
«Երկրորդ եթերաշրջանում սցենարական բավականին հետաքրքիր զարգացումներ են սպասվում, քանի որ «Ոսկե դպրոց»-ը դասական սիթքոմ չէ, որում սերիաները սկսվում և ավարտվում են նույն տեղում, կերպարներն էլ չեն զարգանում, պարզապես, ամեն սերիայում հայտնվում են նոր իրավիճակներում: Մեր սիթքոմը համեմված է նաև արկածային և դետեկտիվ էլեմենտներով` կապված ոսկիների փնտրտուքի հետ: Փակագծերը շատ բացել չեմ ուզում, որպեսզի հեռուտադիտողին հետաքրքիր լինի, բայց ասեմ, որ զարգացումները շատ արագ են լինելու: Երկրորդ եթերաշրջանը և՛ շատ ծիծաղելի, և՛ լարված, և՛ արկածային է ստացվել»,-ասաց Վաչեն:%20copy.jpg?1522327733288)
«Հրաշալի է, որ Արմենիա Պրեմիումի շնորհիվ Ucom-ի հեռուստադիտողները դիտում են բազմաժանր ու բազմաբովանդակ հեռուստաարտադրանք։ Ձևավորված ավանդույթի համաձայն «Ոսկե դպրոց»-ի նոր մասերը բուն եթերից օրեր առաջ ու օրվա ցանկացած ժամի հնարավոր է դիտել «Տեսավարձույթ» բաժնում»,- նշեց Ucom ընկերության գլխավոր տնօրեն Հայկ Եսայանը։%20copy.jpg?1522327741999)
Նոր եթերաշրջանում հեռուստադիտողը սիթքոմում նոր կերպարներ կտեսնեն։ Վաչեն չցանկացավ նշել, թե ովքեր են մարմնավորելու նոր կերպարներին։ Նրա խոսքով` սիթքոմի արդեն սիրված և ճանաչված հերոսներից ոչ ոք չի կրճատվել: «Աշոտ Մելոյանը, ով մարմնավորում է Տրդատյանի կերպարը և ամբողջ եթերաշրջանում քնած ուսուցչի դերում էր, բայց պարզվեց՝դպրոցում թաքնված, գաղտնի գործակալ է, որը եկել է գլխավոր հերոսին՝ Ռոբին, բռնելու, երկրորդ եթերաշրջանում պետք է օգնի Ռոբին հանել ոսկիները։ Այսինքն` մեր հին կերպարը հետաքրքիր հնարքով լրիվ նոր կերպարով է հանդես գալիս: Հետաքրքիր, էքսպերեմենտալ լուծում ենք մտածել, որը դեռ առաջին եթերաշրջանում հանկարծակիի բերեց հեռուստադիտողին»,-պատմեց պրոդյուսերը:%20copy.jpg?1522327751016)
Վաչեն շեշտեց, որ «Ոսկե դպրոց»-ն ամբողջ ընտանիքով դիտելու համար նախատեսված հեռուստանախագիծ է, որում բացի հումորն ու ծիծաղելի իրավիճակները, փորձում են ավելացնել նաև կրթադաստիարակչական տարրեր. «Ես սկզբունքորեն ներկա եմ լինում սցենարական բոլոր աշխատանքներին: Մանրակրիտ խմբագրում ենք հումորները, որոնք, գուցե, մեզ համար շատ ծիծաղելի են, բայց դպրոցականների և ընտանեկան դիտման համար չեն: Փորձում ենք, չկորցնելով ծիծաղելին, ավելացնել նաև կրթական տարրեր»:%20copy.jpg?1522327769697)
«Ոսկե դպրոց»-ի հերոսների միջև սիրային հարաբերությունների ընթացքը ևս խոստանում է հետաքրքիր զարգացումներ ունենալ նոր եթերաշրջանում: Իսկ նոր զույգեր կձևավորվե՞ն, թե՞ ոչ, Վաչեն չցանկացավ բացահայտել՝ վստահեցնելով, որ հեռուստադիտողներին հագեցած ու հետաքրիր օրեր են սպասվում:%20copy.jpg?1522327559884)
Обновленный Центр продаж и обслуживания Ucom открылся на улице Саят-Нова 7 в Гюмри
Предатель в одном прав: если народу что-то не нравится, пусть делают революцию. Аршак Карапетян
Поздравление лидера движения «Всеармянский фронт» по случаю Дня принятия Декларации о независимости ...
Ucom представляет специальное предложение «Unity — снова в школу» к новому учебному году
Кто на самом деле предатель. Раскрытие генерала Карапетян
История покажет, кто друг, а кто враг. Аршак Карапетян
Ответье честно на эти вопросы. Аршак Карапетян
Поздравительное письмо Его Святейшеству Гарегину II с 75-летием
Арам Барсегян назначен генеральным директором Team Telecom Armenia, Айк Есаян возглавит группу ком...
«Юниспорт» примет участие в Лиге чемпионов УЕФА по футзалу
