Լուիզա Ղամբարյանը՝ սիրային եռանկյունում հայտնվելու մասին (Photo)
Ucom ցանցում գործող «Արմենիա Պրեմիում»-ի եթերում ապրիլից կհեռարձակվի «Ավազե դղյակ» 24 մասանոց հեռուստասերիալը, որում խաղում են Լուիզա Ղամբարյանը, Տիգրան Գասպարյանը, Արթուր Կարապետյանը, Անուշիկ Առաքելյանը, Անելիա Գուբրյանը, Վահագն Մարտիրոսյանը և այլք: Նախագծի սցենարի հեղինակն Աստղիկ Սիմոնյանն է, ռեժիսորները՝ Վահե Ղազարյանը և Վարդան Հակոբյանը, պրոդյուսերը՝ Ռուբեն Արամյանը։
ՀՀ վաստակավոր արտիստ, Հրաչյա Ղափլանյանի անվան Դրամատիկական թատրոնի դերասանուհի Լուիզա Ղամբարյանը մարմնավորում է հեռուստանովելի գլխավոր հերոսուհուն:
Tert.am Life-ը դերասանուհու հետ զրուցել է ներ աշխատանքի մասին։ «Աննային, ունենալով ընտանիք, սիրելի զավակ, կյանքի բերումով տարիներ անց հանդիպում է իր առաջին սիրուն։ Ֆիլմի զարգացումները տեղի են ունենում սիրային եռանկյունու շրջանակում»,-ասաց նա:
Երբեմնի սիրահար զույգի հանդիպումը տարիներ անց ու նրանց կազմած ընտանիքների միջև հակասությունը ներկայացվում է նաև նրանց երեխաների փոխհարաբերություններով:
Նախագծում Լուիզայի հիմնական խաղըկներներն են դերասաններ Տիգրան Գասպարյանն ու Արթուր Կարապետյանը: Պրոֆեսիոնալ դերասանների կողքին հեռուստադիտողը կտեսնի նաև նոր դեմքերի:
«Սա իմ ստեղծագործական աշխատանքի մի էջ էր, որը հետաքրքիր էր այն իմաստով, որ զարգացումները տեղի են ունենում արագ: Շատ հետաքրքիր ստեղծագործական թիմ էր հավաքվել: Տեսնենք` հեռուստադիտողի արձագանքն ինչպիսին կլինի,– ասաց Լուիզան ու հավելեց, որ իրեն էլ է հետաքրքիր, թե ինչպես է ստացվել դեռևս ամիսներ առաջ նկարահանված աշխատանքը` մոնտաժից հետո։ –Եթե մյուս սերիալները նկարահանվում են օնլայն կարգով, այսինքն` նկարահանվում ես, մի քանի օր անց տեսնում աշխատանքդ, սա արդեն ավարտված, մոնտաժված աշխատանք է»:
«Նոր բովանդակություն ստեղծելը դարձել է Ucom-ի և Արմենիա Պրեմիումի գործակցության առանցքային գործառույթը։ Ուրախ եմ, որ նոր հեռուստատեսային մելոդրամայի մի քանի մաս հնարավոր է բուն եթերից օրեր առաջ դիտել «Տեսավարձույթ» բաժնում։ Որպես հաճախորդամետ ընկերություն Ucom-ը մշտապես փորձում է հետևել արդեն ձևավորված ավանդույթին և անել հնարավորը, որպեսզի մեր հեռուստադիտողներն առաջինը տեղեկացված լինեն հայրենական հեռուստատեսային արտադրանքի նորույթներից»,- նշեց Ucom ընկերության գլխավոր տնօրեն Հայկ Եսայանը։
%20copy.jpg?1522234665382)
Պատմությունը զարգանում է Առուշանյանների ու Մարգարյանների ընտանիքների միջև վաղեմի թշնամանքի շուրջ: Հաջողակ բիզնեսմեններ Ռաֆայելն ու Մարատը դեռևս երիտասարդ տարիներից սիրում են նույն կնոջը: Պայքարը շարունակվում է նույնիսկ այն ժամանակ, երբ Աննան ամուսնանում է Մարատի հետ: 20 տարուց ավելի այս երկու ընտանիքը պայքարում է միմյանց դեմ` լինի դա գործնական, թե անձնական դաշտում: Ժառանգների Արամ Առուշանյանի և Տաթև Մարգարյանի հանկարծակի սերը նոր թափ է հաղորդում ընտանիքների հակամարտությանը:
Լուիզան կարծում է, որ ամիսներ տևած ստեղծագործական աշխատանքը վերջնական փաթեթվորմամբ հեռուստադիտողներին հանձնելով՝ նրանց հնարավորություն կտրվի հետևելու հետաքրքիր և դիտարժան նախագծի:
«Ավազե դղյակ»-ում նկարահանվելը, Լուիզայի խոսքով, իր համար հետաքրքիր էր նաև այն առումով, որ 10 տարի անց կրկին մարմնավորում է Աննա անունով հերոսուհու: «Տասը տարի առաջ Հայաստանի առաջին «Դժբախտ երջանկություն» հեռուստասերիալում ես կրկին մարմնավորում էի Աննա անունով հերոսուհու: Բնավորության և տեսակի առումով ընդհանուր գծեր կան»,-ասաց Լուիզան։
Америабанк и АБР заключили договор на сумму 100 миллионов долларов США для расширения финансирования...
«Придет время, когда все виновные будут привлечены к ответственности»: «Паст»
Какое правительство сформирует Роберт Кочарян? «Паст»
Информационный штаб Арцаха организует встречу в представительстве
В Ереване произошло крупное ДТП: среди пострадавших военнослужащие
Трамп заявил, что не допустит передачи запасов высокообогащенного иранского урана России или Китаю
Сегодня день рождения Рубена Варданяна: что он сделал для Армении?
NBC: Пентагон разработал список дополнительных сложных целей в Иране
30 серебряников для Пашиняна: геополитический торг, оставляющий Армению без будущего
Он уже начал «разносить» даже членов своей команды: нужного количества голосов набрать не получится:...
