Դպրոցականները առանձնակի դաժանությամբ վնասել են հաշմանդամություն ունեցող 7-րդ դասարանի աշակերտի դեմքը.տղան չի կարողանում խոսել և քայլել. հարուցվել է քրեական գործ

Մարտի 22-ին սոցիալական ցանցերում սարսափելի  տեսանյութ է հայտնվել Պոկրովից. Մի խումբ պատանիներ  դաժանորեն ծեծում են յոթերորդ դասարանցի աշակերտին, իսկ վերջինս շարունակ խնդրում է դադարեցնել: Հետագայում պարզվել է, որ կոլեկտիվ հարձակման զոհը ունի մտավոր թերզարգացածություն և հաշմանդամություն: Սկանդալային տեսահոլովակի հեղինակը «Մաշա» միջնակարգ դպրոցի աշակերտն  էր, ով հետագայում միացել է13-ամյա պատանու ծեծին:

Տեսանյութում լսելի է՝ ինչպես է տղան խոստանում, որ «այլեւս չի լինի նման բան», ասում է, «նա նման բան չի ասել» եւ խնդրում է դադարեցնել իրեն ծեծել: Ծեծի  պատճառ է դարձել տղայի ոտնձգությունը 9-րդ դասարանի աշակերտուհու նկատմամբ: Տուժած աղջիկը նույնպես մասնակցություն է ունեցել միջադեպին և անգամ հարվածել տղային:

Ծեծի արդյունքում աշակերտը տուն է վերադարձել քթի կոտրվածքով, եւ ուղեղի ցնցումով: Նրա մայրը շտապ օգնություն է կանչել, տղային տեղափոխել  հիվանդանոց: Սակայն երեխան ավելի է վատացել, ձեռքերը չի շարժում, չի կարողանում խոսել   կամ քայլել: 

Ներկա պահին ոստիկանությունը կարողացել է  գտնել միջադեպի  բոլոր մասնակիցներին,  նրանցից մեկն է միայն արդեն 18 տարեկան: Բոլորն արդեն ցուցմունքներ են տվել ոստիկանությունում: Նախաքննության ընթացքում հավաքագրված նյութերը ներկայացվել են քննչական կոմիտեի կողմից: Ինչպիսի պատիժ կստանան յոթերորդ դասարանի աշակերտի  վրա հարձակված դեռահասները՝ դեռ հայտնի չէ: