Հովհաննես Ազոյանը վերադառնում է հեռուստաեթեր նոր շոու ծրագրով. ի՞նչ է սպասվում հաղորդման ընթացքում
«Արմենիա TV»-ի գարնանային եթերաշրջանն այս անգամ էլ հագեցած է նոր ու կրեատիվ նախագծերով ու հետաքրքիր դեմքերով: Մարտի 24-ին հեռուստաընկերության եթերում նոր շոու ծրագրի պրեմիերա է: «Երեկոյան Ազոյան». այսպես է կոչվում դերասան Հովհաննես Ազոյանի մասնակցությամբ նոր հաղորդումը, որը խոստանում է անսպառ հումոր, հետաքրքիր ու պոզիտիվ ժամանց: BlogNews.am-ը ներկա է եղել շոու-ծրագրի առաջին նկարահանմանը: Ներկայացնում ենք մանրամասներ ու հետաքրքիր դրվագներ, որոնք ֆիքսել ենք նկարահանման հրապարակում:
«Արմենիա TV»-ի՝ շոուներ անելու բազմամյա փորձը թույլ է տալիս ասել, որ այս ֆորմատում հեռուստաընկերությունը գրեթե մրցակից չունի: Հիշենք «Բեռնարդ շոուն», որն առաջինն ու միակն էր իր տեսակի մեջ, ու ժամեր շարունակ հեռուստադիտողները, էկրաններին գամված, սպասում էին հաղորդմանը: Մինչև այսօր էլ հասարակության համար նախագիծը մնում է ամենասիրելին, չգերազանցվածն ու լավագույնը:
Ու ահա «Բեռնարդ շոու»-ի և այլ հաջողված նախագծերի ձևավորած ավանդույթները գալիս է շարունակելու «Երեկոյան Ազոյան» շոուն. «Երեկոյան շոուն միջազգային ֆորմատ է, որից պետք է սպասել միայն ուրախ, բարի և պոզիտիվ ժամանց: Քաղաքական ու մշակույթի գործիչներ, շոու-բիզնես ներկայացուցիչներ… Մեր հյուրերին փորձելու ենք դնել արտասովոր ու հումորային իրավիճակներում: Այս հաղորդումը ոչ թե նրա համար է, որ հյուրերին կանչենք ու կոպիտ ասած՝ ձեռք առնենք, այլ մարդը մեզ համար արժեք է ու նրա հետ պետք է զգույշ ու նուրբ վերաբերվել»,- ասում է Հովհաննեսը:
Ի դեպ՝ դերասանի համար ևս այս ժանրում հանդես գալը նորություն չէ. ժամանակին Հովհաննեսը վարել է շոու ծրագիր: Թեև այս ընթացքում նրան անդադար տեսել ենք էկրաններին, բայց երկար ժամանակ որպես հաղորդավար չի ներկայացել: Դերասանը կատակով ասում է՝ ժամանակի ընթացքում չի բոյովացել, բայց մեծացել է ներքուստ. «Տարբերվող ու հետաքրքիր լուծումներ ենք առաջարկել: Կարծում եմ՝ մի քիչ հասունություն է պահանջվում նման հաղորդում վարելու համար: Դժվարանում եմ ասել՝ ինչպիսին կլինեմ ես՝ որպես հաղորդավար: Երեկոյի ուղեկցող ատրիբուտ է լինելու ալկոհոլը: Այդպես է, չէ՞, երեկոները սովորաբար տրամադրում են ալկոհոլի: Սա շոու է, ու մի փոքր ալկոհոլը ոչ միայն չի խանգարի, այլև օգտակար կլինի»:
Ժամանցային նոր հաղորդաշարի վարողը միայն Հովհաննեսը չէ․ նրան այս հարցում օգնելու է տաղանդավոր երիտասարդ Մհեր Խաչատրյանը, ով հույս ունի, որ իր ներկայությունն այստեղ ավելորդ չի լինի. «Մասնակցում եմ ստեղծագործական ընթացքին ու նաև առաջարկներ անում: Մոտ մեկ ամիս տևել են նախապատրաստական աշխատանքները: Ամեն ինչ արել ենք, որպեսզի հաղորդումը լինի հումորով և ուրախ ժամանց ապահովի: Հեռուստադիտողներից պահանջվում է միայն շաբաթ երեկոյան տանը, բազմոցին նստած պարզապես թուլանալ, տեսնել մարդկանց հաճելի ու նույնիսկ ծիծաղելի իրավիճակներում ու վայելել: Հուսանք՝ ընթացքը հաջող կլինի ու նաև շարունակություն կունենա»,- նշում է Մհերը:
Անթերի ու սահուն ընթացքի համար թիմը ժամերով կարող է փորձ անել, չնայած շոուն ամբողջությամբ հիմնված է իմպրովիզացիայի վրա: «Երեկոյան Ազոյան»-ն իսկական ռումբ է լինելու՝ թարմ ու օրիգինալ հումորով համեմված:
«Երեկոյան Ազոյան»-ի առաջին թողարկման հյուրերը Լևոն Հարությունյանն ու Գրիշա Աղախանյանն են։ Շոու ծրագիրը կարող եք դիտել յուրաքանչյուր շաբաթ՝ ժամը 21։00-ին։
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
