«Պոլիմետալ Արմենիա»–ի կողմից լսումների չեղարկումը Թեղուտի «դառը» փորձի հետևա՞նք. «Փաստ»
«Փաստ» օրաթերթը գրում է.
Տավուշի և Լոռու մարզերում հանքարդյունաբերություն ծավալելու ցանկություն հայտնած ընկերությունը՝ «Պոլիմետալ Արմենիա» ՍՊԸ–ն, հրաժարվում է իր գաղափարից: Համենայն դեպս՝ առայժմ: Ընկերության տնօրենի կողմից տարածվել է մի հայտարարություն, որտեղ ասվում է. ««Պոլիմետալ Արմենիա» սահմանափակ պատասխանատվությամբ ընկերությունը տեղեկացնում է, որ «առաջնահերթ կարևորելով իր գործունեության դրական հանրային ընկալումը»՝ դադարեցնում է Լոռու մարզի Ալավերդի և Շնող, Տավուշի մարզի Նոյեմբերյան և Կողբ համայնքների վարչական տարածքներում երկրաբանահետախուզական աշխատանքների ծրագրի՝ շրջակա միջավայրի վրա ազդեցության փորձաքննության իրականացման և այդ գործընթացի շրջանակներում հանրային քննարկման կազմակերպման ուղղությամբ աշխատանքները»:
«Հետքին» տրված պարզաբանման մեջ «Պոլիմետալ Արմենիա» ընկերության փոխտնօրեն Վահրամ Ավագյանն ասել է, որ դադարեցնում են ոչ թե երկրաբանահետախուզական աշխատանքները, այլ՝ այդ աշխատանքների ծրագրի՝ շրջակա միջավայրի վրա ազդեցության փորձաքննության իրականացման և հանրային քննարկման կազմակերպման ուղղությամբ աշխատանքները:
Նշենք, որ Տավուշի մարզում հանքարդյունաբերություն ծավալելու լուրն իմանալուն պես թե՛ բնապահպանները և թե՛ տեղի ու ծնունդով տավուշցիները, հատկապես Նոյեմբերյանի բնակիչները մեծ աղմուկ էին բարձրացրել՝ հայտարարելով, որ չեն թողնի ավերել իրենց հողերը: Այս նպատակով անգամ օրեր առաջ www.change.org կայքում միջնորդություն էր ստեղծվել՝ ծրագրի կասեցման նպատակով:
Այսօր արդեն լսումների չեղարկման լուրը ցնծություն է պարգևել բոլորին՝ ուրախ են և՛ բնապահպանները, և՛ տավուշցիները, և՛ քաղաքացիները, սակայն միևնույն ժամանակ, ոմանք արձանագրում են՝ մի՛ շտապեք ուրախանալ, չեղարկվում են միայն հանրային քննարկումները: Որպես սրան հակակշիռ, մյուսներն էլ պնդում են՝ առանց լսումների հնարավոր չէ ոչինչ շարունակել: Մնում է սպասել ընկերության հստակ պատասխանին և ենթադրություններ չանել:
Բնապահպան Գագիկ Սուխուդյանը «Փաստ»–ի հետ զրույցում նշեց, որ իր համար այս լուրն անսպասելի էր: Հարցին, թե այսպես միանգամից հրաժարվելը կասկածների տեղիք չի՞ տալիս, պատասխանեց, թե սա, իհարկե, անսովոր է իրենց համար, քանի որ առաջին դեպքն է:
«Կարծում եմ, որ Թեղուտի մետաղական կամակերպությունների պարտությունը ևս նշանակություն ունեցավ: Թեղուտի արդյունքը ցույց տվեց, որ չի կարելի այդ մետաղները փոխարինել բնության ավիրմամբ՝ գյուղացիներին զրկելով իրենց սովորական ապրելակերպից, խոտհունձից, մեղրից, կաթից ու մածունից: Նրանք դեռ չեն պատասխանել Թեղուտի վնասների համար: Բացի այդ, Դեբեդը գնում է Վրաստան, իսկ Վրաստանը բավական մեծ աղմուկ է բարձրացրել՝ ասելով, թե աղտոտված ջրեր են գնում: Մյուս կողմից էլ՝ Ախթալայի պոչամբարի վիճակն ենք տեսնում: Կարծում եմ՝ այդ բոլորը միասին բարենպաստ պայմաններ ստեղծեցին, որպեսզի նրանք՝ ապագա շահագործողները, մտածեն, թե տակից դուրս չեն գա:
Տրամաբանութունը դրան է բերում: Թե ինչ բաներ կան այնտեղ թաքնված, չեմ կարող ասել: Անսպասելի էր, լավ բան է, ողջունելի է: Եթե բոլոր տնտեսվարողները հաշվի առնեն գյուղացիների և բնապահպանների կարծիքը, շատ լավ կլինի: Բոլոր բնապահպանները ուրախ են սրա համար»,– նշեց Սուխուդյանը:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
