360 միլիոն դրամ գյուղնախարարությանը 6 միլիոն լիտր դիզվառելիք գնելու համար. «Փաստ»
«Փաստ» օրաթերթը գրում է.
2018 թ. գյուղատնտեսական աշխատանքների իրականացման ընթացքում հանրապետության հողօգտագործողներին աջակցելու և մատչելի գներով դիզելային վառելիք տրամադրելու համար մինչև 6 միլիոն լիտր դիզելային վառելիք կգնվի: Այս մասին որոշման նախագիծն այսօր հայտնվել է Իրավական ակտերի նախագծերի հրապարակման միասնական կայքում:
Գումարը կհատկացվի ՀՀ գյուղատնտեսության նախարարությանը մարզերի հողօգտագործողներին, գյուղատնտեսական կոոպերատիվներին, գյուղատնտեսության նախարարության կազմակերպություններին և կրթության և գիտության նախարարության «Հայաստանի ազգային ագրարային համալսարան» հիմնադրամի գիտական կենտրոններին շուկայականից ավելի մատչելի գներով դիզվառելիք վաճառելու համար:
Համաձայն մարզպետարաններից ստացված տեղեկատվության՝ դիզելային վառելիքի նկատմամբ այս տարվա գյուղատնտեսական աշխատանքների համար պահանջարկը կազմում է մինչև 6 միլիոն լիտր դիզելային վառելիք: Եվ որպեսզի գյուղատնտեսական աշխատանքների իրականացման գործում հողօգտագործողներին աջակցություն ցուցաբերվի, գյուղատնտեսությամբ զբաղվող անձանց եկամուտները բարձրանան և գյուղատնտեսությամբ զբաղվելը շահավետ դառնա, առաջարկվում է հողօգտագործողներին մատչելի գներով տրամադրել նշված ծավալի դիզվառելիք:
Ծրագիրը իրականացնելու համար ՀՀ գյուղատնտեսության նախարարությանը պետք է հատկացնել մինչև 360 միլիոն դրամ, ընդ որում գումարի մոտ կեսը՝ 147 միլիոն 500 հազար դրամը, կհատկացվի առաջին եռամսյակում, իսկ մնացած գումարը՝ մինչև տարվա առաջին կիսամյակի ավարտ: Գումարը կհատկացվի 2018 թ. պետական բյուջեով նախատեսված կառավարության պահուստային ֆոնդի հաշվին՝ բյուջետային ծախսերի տնտեսագիտական դասակարգման «Սուբսիդիաներ ոչ պետական ոչ ֆինանսական կազմակերպություններին» հոդվածով: Նախարարությունը հատկացված գումարը որպես սուբսիդիա սահմանված կարգով և պայմանագրային հիմունքներով կտրամադրի իր կողմից իրականացրած մրցույթի արդյունքում հաղթող ճանաչված ընկերություններին՝ մինչև 6 միլիոն լիտր դիզելային վառելիքի մատակարարումները կազմակերպելու նպատակով:
Հավելենք, որ գյուղատնտեսական աշխատանքների իրականացման գործում գյուղացիական տնտեսություններին աջակցելու նպատակով 2012–2017 թվականներին իրականացվել է հողօգտագործողներին դիզելային վառելիքի և պարարտանյութերի մատչելի գներով ձեռքբերման պետական աջակցության 16 ծրագիր:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
