Միհրան Պողոսյանը ուրիշի «բոստան» է մտել, Տարոնի ձայներն է «փախցնում». «Փաստ»
«Փաստ» օրաթերթը գրում է.
Ավան համայնքում իսկական իրարանցում է: Ինչպես հայտնի է, նոր ԸՕ–ով Ավանը, Քանաքեռ–Զեյթունը և Նոր Նորքը կազմում են մեկ ընտրատարածք: Եվ ռեյտինգային քվեարկությամբ այստեղից պատգամավոր ընտրվելու համար պետք է պայքարեն ավանցի Տարոն Մարգարյանի աներորդին` ներկայում պատգամավոր Ռոբերտ Սարգսյանը և զեյթունցի, ԴԱՀԿ նախկին ղեկավար, գեներալ Միհրան Պողոսյանը: Քանի որ երկուսն էլ ՀՀԿ–ի կարկառուն դեմքեր են (առաջինի դեպքում, խոսքը, իհարկե, Տարոն Մարգարյանի մասին է) և յուրաքանչյուրն իր համայնքում ունի իր` կարելի է ասել, տարիներով ձևավորված հստակ ընտրազանգվածը, կողմերն ըստ «Փաստի» տեղեկությունների, նախապես համաձայնության էին եկել առ այն, որ միմյանց չեն խանգարելու:
Բայց արի ու տես, որ նախընտրական պայքարի մեկնարկը պաշտոնապես դեռ չտրված, Միհրան Պողոսյանը համաձայնությունը խախտում է: Մարդիկ, ովքեր նախորդ ընտրությունների ժամանակ աշխատել են Տարոն Մարգարյանի, հընթացս նաև նրա աներորդու համար ապահովել համապատասխան ձայներ, սահուն կերպով անցել են գեներալի ճամբար: Ընդ որում, Մ. Պողոսյանը կարողացել է իր շուրջը համախմբել մարդկանց, ովքեր եղել են շտաբի պետեր, գիտեն տվյալ թաղն իր ողջ ուղնուծուծով, ունեն որոշակի հեղինակություն: Ավելին, Մ. Պողոսյանն արդեն սկսել է ձևավորել ոչ պաշտոնական շտաբներ: Իսկ այդ շտաբների պետեր են նշանակվել այն նույն մարդիկ, ովքեր նախորդ ընտրություններում ղեկավարել են Տարոն Մարգարյանի կամ էլ նրա աներորդու նախընտրական շտաբները: Ընդ որում, այդ շտաբներում արդեն կազմակերպվում են հավաքներ, որոնց Միհրան Պողոսյանն անձամբ է մասնակցում:
Ճամբարը փոխած այդ մարդկանց տրամաբանությունը հստակ է: Ի տարբերություն մյուս համայնքների, որտեղ ՀՀԿ նախընտրական շտաբների պետերը ներքին կարգով, այսպես ասած, աշխատավարձեր են ստացել, Ավանում այդ ամենը արվել է անվճար, հանուն Տարոնի: Երկար տարիներ նրանք աշխատել են ավանցի Տ. Մարգարյանի համար` հույսով, որ մի օր իրենց կատարած ոչ այնքան շնորհակալ գործը կգնահատվի, իրենց վարձահատույց կլինեն: Բայց շատերի ակնկալիքները երևի չեն արդարացել` ի վերջո, քանի մարդու կարող են աշխատանքի տեղավորել, քանիսին կարող են լավություն անել: Ու շատերը դժգոհ են մնացել:
Հիմա հենց այդ դժգոհների միջոցով էլ Միհրան Պողոսյանը փորձում է իր գործն առաջ տանել: Այս ամենին տարոնականները դեռևս լուռ, բայց ատամները կրճտացնելով հետևում են: Թե պատասխան ինչ քայլեր կձեռնարկվեն, դժվար է ասել: Գործը կհարթվի վերևներո՞ւմ, թե առաջին գիծ դուրս կգան ներքևները, ցույց կտա ժամանակը:
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
