Խաչատուր Սուքիասյանը՝ իր հետագա քայլերի և Հայաստանի փրկության մասին. «Փաստ»
«Փաստ» օրաթերթը գրում է.
Դեռևս նախորդ տարվա դեկտեմբերից հայտնի գործարար «Սիլ Կոնցեռնի» հիմնադիր Խաչատուր Սուքիասյանը հայտարարել էր, որ քաղաքական հարցերի կպատասխանի հունվարի վերջերին: Ու մինչ օրս նա պահպանելով «դադարի ռեժիմը» տնտեսական ու քաղաքական գործիչը շարունակում է հրաժարվել քաղաքական հարցերին պատասխանելուց: Նրա մամուլի խոսնակ Աննա Մկրտչյանը օրերս կրկին լրատվամիջոցներից մեկի հարցին ի պատասխան նշել էր, որ Խ.Սուքիասյանը տարբեր քաղաքական ուժերից խորհրդարանական ընտրություններին մասնակցելու առաջարկներ ստացել է, սակայն այս պահին դեռևս քաղաքական կոնսուլտացիաները չեն ավարտվել:
«Իր մասնակցության ձևաչափի վերաբերյալ դեռ որոշում չկա: Այդ մասին որոշում կայացնելուց հետո պարոն Սուքիասյանն ինքն անձամբ կհայտարարի»,– ասել էր Ա. Մկրտչյանը:
«Փաստի» հետ զրույցում նախկին պատգամավորը ևս մեկ անգամ շեշտեց, որ այդ թեմայով խոսելու հատուկ օր է նշանակվելու, որն ամենայն հավանականությամբ հունվարի 20–ից հետո կլինի և այդ ժամանակ էլ առաջիկա խորհրդարանական ընտրությունների մասին նա իր կարծիքը, ցանկություններն ու մոտեցումները կներկայացնի հանրությանը:
Չհրաժարվելով պատասխանել «Փաստի» մյուս հարցերին Խ. Սուքիասյանը նշեց, որ ցանկացած գործարար պետք է գիտակցի, որ Հայաստանի արդյունաբերության և տնտեսության զարգացումը կախված է նաև իր այս կամ այն գործունեությունից: Ու եթե գործարարներն այդ գիտակցումով կատարեն իրենց քայլերը, ապա Հայաստանը շատ արագ կկարողանա ոչ միայն ոտքի կանգնել, այլև զարգանալ: Նման կերպ մտածող քանի՞ հայաստանցի գործարար գիտի Խ. Սուքիասյանը հարցին ի պատասխան նշեց, որ այդպես մտածող ցանկացած մարդ պետք է կարողանա իր մոտեցումները քարոզել, որպեսզի նրանց շարքերը գնալով մեծանան:
«Բոլորը պետք է ամեն պահ ամեն վայրկյան մտածեն Հայաստանը զարգացնելու մասին և անընդհատ փնտրեն ու գտնեն այն ապրանքատեսակները, որոնք կարելի է ոչ թե ներկրել, այլ տեղում արտադրել: Սա է Հայաստանի Հանրապետության տնտեսության զարգացման միակ փրկությունը»,– ասում է Խ. Սուքիասյանը:
Գործարարը նաև խորհուրդ է տալիս հաշվի չառնել Հայաստանի տնտեսությունը թուլացնելուն միտված այլ երկրների շահերը: Դրա փոխարեն առաջ շարժվել սեփական շահերով և ամեն կերպ գտնել թե ո՞րն է Հայաստանի Հանրապետության շահն ու այդպես զարգանալ:
«Մենք պետք է կարողանանք այն պետությունների հնարավորություններն օգտագործելով հարստանալ որոնք չեն ցանկանում, որ Հայաստանը զարգանա: Դրա համար պետք է մտածել, ստեղծել, մրցունակ և հետևողական լինել և ավելի սրտացավ աշխատել, քան ներկայում աշխատում ենք»,– ասում է Խ. Սուքիասյանը:
Պատասխանելով հարցին, թե ինչպես կարող է զարգանալ մի երկրի տնտեսություն, երբ մի կողմից շուկան է փոքր, մյուս կողմից էլ ձևավորված մենաշնորհները թույլ չեն տալիս, որ տեղական արտադրությունը զարգանա, քաղաքական գործիչն ասաց, որ թեև նշված խնդիրները կան, սակայն այն նույնպես չպեստք է հետաքրքրի երկրի ապագայով մտահոգ մարդկանց:
«Այդ խնդիրն արդեն կա և այն բարդ է լուծել: Նոր մրցակիցները զրոյից սկսելով դժվարություններ կուենան տեղական շուկայում և մենաշնորհային դիրք զբաղեցնողի հետ մրցակցելով հազվագյուտ դեպքերում կկարողանան հաջողության հասնել: Նման հարցերը կլուծվեն երկու դեպքում միայն՝ եթե մի կողմից ներկրվող ապրանքների հետ մրցակցելու նպատակով կարողանանք տեղում դրան համարժեք և բարձրորակ ապրանք արտադրել, իսկ երկրորդ դեպքում այնպիսի ապրանքներ արտադրենք, որոնք տարածաշրջանում մեծ պահանջարկ ունեն և այն շատ արագ կարող են իրացվել»,– ասում է Խ. Սուքիասյանը:
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
