Շղարշիկում մաշված խողովակներից են ջուր ստանում. դժգոհություն. «Փաստ»
«Փաստ» օրաթերթը գրում է.
Արագածոտնի մարզի Շղարշիկ համայնքում խմելու ջրի հարցն այդպես էլ լուծում չի ստանում: Ջրի ներքին ցանցը 50–ականներին է կառուցվել: Ժանգոտած և քայքայված խողովակներով, ըստ բնակիչների, որդեր և այլ մանրէներ են ջրի հետ թափվում: Նրանք մտավախություն ունեն, որ հնարավոր է ջրից թունավորվեն:
«Հիմա ո՞վ է պատասխան տալու, որ մենք թունավորվենք: Թող պետությունը բերի ու այս խողովակները փոխի»,– «Փաստ»–ին բողոքեցին Շղարշիկի բնակիչները:
Նրանց մատակարարվող ջուրը քլորացվում է, սանէպիդկայանը իր գործը ժամանակին կատարում է, բայց համայնքի ղեկավար Հովհաննես Հարությունյանի պնդմամբ, դրանով խնդիրը չի կարգավորվում: Այստեղ գյուղացիների և համայնքապետարանի միջոցներով ամեն տարի խողովակները վերանորոգվում են, սակայն հնամաշության պատճառով երկար չեն ծառայում:
«Վատթարագույն վիճակ է: Ցանցն ահավոր վիճակում է: Չես կարողանում մի խողովակին ձեռք տալ, անմիջապես փշրվում է: Ամեն օր վթարներ են տեղի ունենում, մենք միայն զբաղված ենք խողովակներն ամրացնելով: Ընդհանուր շատ աղետալի վիճակ է»,– ներկայացրեց նա:
Հարությունյանի խոսքով՝ 50–ականների հնամաշ խողովակներով բացարձակապես չի թույլատրվում ջուր օգտագործել: Անճար գյուղացիները, սակայն, ստիպված են իրենց առողջությունը վտանգելով` ջուր խմել: Շղարշիկում մարդիկ շուտ են մահանում: Համայնքի ղեկավարն այս հանգամանքով իր մտահոգություններն է հայտնում:
«Երևի թե մեր գյուղում ամենատարեց մարդը մոտ 70 տարեկան լինի: Մարդիկ ասում են՝ ջուրն է պատճառը: Անորակ ջուրը քայքայում է առողջությունը և կյանքից շուտ են հեռանում»,– ասաց նա:
Հովհաննես Հարությունյանը 19 տարի է՝ տարբեր ատյանների դռներ է թակում՝ հնամաշ խողովակներն այդպես էլ նորով չեն փոխարինվում:
«Մեր բյուջեն փոքր է՝ 12 միլիոն, դրանով գործ անել չես կարող: Մենք նաև ոռոգման ջրի խնդիր ունենք, իսկ այստեղ առանց հող մշակելու՝ կարտոֆիլ ցանելու, մարդիկ չենք կարող «յոլա» գնալ»,– նշեց նա:
Իսկ Շղարշիկն աճող համայնք է: Համայնքի ղեկավարի փոխանցմամբ՝ 530 բնակչից 650–ն են դարձել:
«Այսպիսի համայնք երևի թե հանրապետությունում քիչ լինի, որի բնակչությունը գնալով ավելանում է: Մարդիկ իրենց հայրական տունը, գերեզմանները չեն թողնում գնում»,– ասաց նա:
Շղարշիկցիները պատկան մարմինների ուշադրությունն են հրավիրում իրենց խնդրի վրա և ակնկալում, որ այս տարվա ընթացքում խողովակները կփոխվեն՝ բնակիչների առողջությունը վտանգի տակ չի հայտնվի:
Շարունակությունը՝ «Փաստ» օրաթերթի այսօրվա համարում
Вступило в силу постановление правительства о порядке расчета налога исходя из мощности двигателя эл...
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Emirates: Гражданам Ирана запрещён въезд и транзит через ОАЭ
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
