Կուբանում 2 հայի սպանության մանրամասները հայտնի են (տեսանյութ)

Ինչպես հաղորդում է Ռիդուս» գործակալությանը, հայտնի են դարձել 2017 թվականի դեկտեմբերի 31-ի գիշերը Լաբինսկի շրջանի Ուստ Լադոժսկի ավանի «Օգոնյոկ» սրճարանում Ալեքսանդր Սիտավիչուսի կողմից երկու հայի եւ գնչուի աղմկոտ սպանության մանրամասները:

Վկաների ցուցմունքների եւ տեսախցիկների տեսագրությունների համաձայն՝ զոհվածները՝ գնչուական համայնքի ներկայացուցիչն ու երկու հայը, սպանությանը նախորդած կոնֆլիկտին որեւէ մասնակցություն չեն ունեցել:

Ալեքսանդր Սիտավիչուսի եւ սրճարանում հանգստացող մի խումբ գնչուների միջեւ կոնֆլիկտ է ծագել: Ծեծված Ալեքսանդր Սիտավիչուսը եւ Ալեքսեյ Միրոնովը տեղական դիսպետչերական ծառայության միջոցով զանգահարել են տաքսի ծառայություն եւ մեքենայի գալուն պես՝ դուրս են եկել սրճարանից՝ խոստանալով «վերադառնալ»:

Տաքսու վարորդը գտնվել եւ հարցաքննվել է. նա պատմել է, որ ընկերներին իջեցրել է Սիտավիչուսի տան մոտակայքում: Ըստ նրա՝ ուղեւորներից մեկը, դատելով նրա դեմքից, «փոքր-ինչ ծեծված էր», սակայն հանգիստ էր, իսկ երկրորդը բորքոքված էր եւ պարբերաբար շտապեցնում էր վարորդին:

Դեկտեմբեր 31-ին՝ ժամը 01:21-ին, Սիտավիչուսը եւ Միրոնովը ավտոմատ զենքով զինված՝ վերադարձել են սրճարան: Սիտավիչուսը սպանել է երեք մարդու՝ Միրզոյան Արտյոմին (1993 թվականին ծնված, նախկինում դատապարտված, միջադեպի ժամանակ եւս գտնվել է հետաքննության տակ), Սիրակոսյան Ռոմանին (1986 թվականին ծնված, սրճարանի դիջեյը) եւ սրճարանից դուրս գալիս՝ ավտոմեքենայի մեջ նստած՝ 18-ամյա Կուզմենկո Նիկոլայ Իվանովիչին: