Մեքենա վարելը արգելող հիվանդությունների ցանկը կընդլայնվի. «Փաստ»
«Փաստ» օրաթերթը գրում է.
Կառավարությունը պատրաստվում է փոփոխել վարորդական վկայական ունեցող և վարորդի թեկնածու համարվող անձանց բժշկական հավատարմագրման կարգը, հիվանդությունների ցանկը՝ դրանց մեջ չկարգավորված կամ թերի կարգավորված կետեր հայտնաբերելու պատճառով:
Նախագծով կսահմանվի տրանսպորտային միջոց վարելը արգելող հիվանդությունների այնպիսի ցանկ, որը կբացառի իր և շրջապատի համար պոտենցիալ վտանգ ներկայացնող անձանց թույլատրել տրանսպորտային միջոց վարել: Կսահմանվեն բժշկական ցուցում հանդիսացող հիվանդություն կամ վիճակ ունենալու դեպքում հարմարեցված տրանսպորտային միջոց վարելու բժշկական ցուցումները, ինչպես նաև առանձին կատեգորիայի տրանսպորտային միջոցներ վարելու բժշկական սահմանափակումները:
Վարորդական իրավունքի վկայական ունեցող, ինչպես նաև վարորդի թեկնածու համարվող անձանց, ներառյալ ութսուն տարեկանը լրացած անձանց բժշկական հավատարմագրման պարբերականությունը նույնպես կհստակեցվի: Գործող որոշմամբ սահմանված չէ պարտադիր հավատարմագրման, ներառյալ` բժշկական ցուցումներ ունեցող կամ բժշկական սահմանափակումներով վարորդական իրավունքի վկայական ունեցող անձանց, ինչպես նաև վարորդական իրավունքի վկայական ունեցող 60 տարեկանը և 80 տարեկանը լրացած անձանց պարտադիր բժշկական հավատարմագրման պարբերականությունը:
Պոլիկլինիկական բժշկական հաստատությունների կողմից բժշկական հավատարմագրման վերաբերյալ կտրամադրվեն իրավասությունների շրջանակներին համապատասխան եզրակացություններ: Գործող որոշման համաձայն վարորդական իրավունքի վկայական ունեցող և վարորդի թեկնածու համարվող անձանց բժշկական հավատարմագրման մասին տեղեկանքի «Եզրակացություն» բաժնում կատարվում են գրառումներ պիտանիության մասին: Նշվում է՝ պիտանի է իր հնարավորություններին հարմարեցված տրանսպորտային միջոց վարելու համար կամ պիտանի չէ։ Մինչդեռ, պոլիկլինիկական բժշկական հաստատությունների եզրակացությունները, ելնելով իրավասության շրջանակներից, կարող են լինել տրանսպորտային միջոց շահագործելու հակացուցումների, բժշկական ցուցումների և սահմանափակումների վերաբերյալ:
Քաղաքացիների համար բժշկական հավատարմագրման իրականացման ընթացակարգում փոփոխություն կմտցվի. քաղաքացիները բժշկական հավատարմագրում կանցնեն այն բժշկական հաստատությունում, որտեղ առողջության առաջնային պահպանման բժիշկ են ընտրել: Մինչդեռ գործող որոշմամբ տրանսպորտային միջոց վարելու պիտանիության հարցը որոշվում է պետպատվերի շրջանակներում, մարդու հայեցողությամբ, ցանկացած պոլիկլինիկական բժշկական հաստատությունում:
Նախագծի ընդունումը նաև նախատեսում է բարձրացնել ճանապարհային երթևեկության անվտանգությունը: Նշենք, որ այն ուժի մեջ կմտնի պաշտոնական հրապարակման օրվան հաջորդող տասներորդ օրը:
Նախագծի ներկայացումը պայմանավորված է ՀՀ մարդու իրավունքների պաշտպանի, քաղաքացիների, ոլորտում գործող հասարակական կազմակերպությունների, ինչպես նաև պոլիկլինիկական բժշկական հաստատությունների կողմից ներկայացված խնդիրների ուսումնասիրությամբ վեր հանված հարցերի լուծման անհրաժեշտությամբ:
Բանն այն է, որ ներկայում գործող տրանսպորտային միջոց վարելը արգելող հիվանդությունների ցանկը նույնական է տրանսպորտային միջոցի երթևեկությունը արգելող վիճակների կամ հիվանդությունների հետ, մինչդեռ տրանսպորտային միջոց վարելը արգելող հիվանդությունների, ինչպես նաև բժշկական ցուցումների կամ սահմանափակումների ցանկը շատ ավելի ընդգրկուն է և չի կարող նույնացվել օրենքով սահմանված տրանսպորտային միջոցի երթևեկությունը արգելող հիվանդությունների հետ:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
