Արմեն Մարտիրոսյանը չբացառեց նաև իր արտագաղթելու հավանականությունը . «Փաստ»
«Փաստ» օրաթերթը գրում է.
«Ժառանգություն» կուսակցության փոխնախագահ Արմեն Մարտիրոսյանի կարծիքով քաղաքական դաշտի իսպառ վերացումը, տնտեսական և իրավական անմխիթար իրավիճակի խորացումը, քաղբանտարկյալների ավելացումը և որպես այդ ամենի վերջնարդյունք՝ արտագաղթի ծավալների շարունակական աճն են եղել 2017 թվականի «ձեռքբերումները»:
«Ես չեմ կարծում, որ հաջորդ տարվա համար որևէ դրական սպասում կարող է լինել: Ինչի՞ հաշվին պետք է լինեն դրական սպասումները: Ես դեռևս չեմ տեսնում, որ հասարակությունը ցանկանում է պայքարել, իսկ լրատվական դաշտը զբաղված է հասարակության մոտ առկա ապատիան խորացնելով: Եվ այդ է պատճառը, որ այս պահին ունենք այն, ինչ՝ ունենք»,– ասաց Ա. Մարտիրոսյանը:
Մեդիադաշտի կողմից ապատիան խորացնելու քայլ ասելով քաղաքական գործիչը նկատի ունի այն հրապարակումները, որտեղ քննադատության է ենթարկվում ընդդիմադիր դաշտը: Եվ Մարտիրոսյանի կարծիքով մամուլում շրջանառվող՝ «բոլորը նույնն են», «բոլորը ծախված են», «որևէ պայքար երբևէ արդյունք չի տալիս» արտահայտությունները ընդդիմության դեմ վարվող քաղաքական պայքարի հետևանք է:
Թե իրականում ինչ է անում ընդդիմությունը, որպեսզի իր հասցեին հնչեցվող նմանօրինակ մեկնաբանություններին ցույց տա, որ ամենևին էլ անգործ չէ և ո՞րն է քաղաքական ճգնաժամից դուրս գալու ընդդիմության առաջարկած դեղատոմսը հարցին Ա.Մարտիրոսյանը պատասխանեց:
«Ամենադժվար հարցն եք տալիս, բայց իմ կարծիքով միակ դեղատոմսն այն կլիներ, որ հասարակությունը համախմբվեր և պայքարի դուրս գար, բայց այս պահին, ցավոք սրտի, ես դա չեմ տեսնում»–ասաց քաղաքական գործիչը:
Պայքարի այլ ձևեր նրա համար ընդունելի չեն, քանի որ ինչպես կարող է քաղաքակիրթ պայքարի մասին խոսք լինել, երբ երկրում ազատ դատաիրավական համակարգ չկա: Եվ այն, որ ընդդիմությունը Սահմանադրություն փոխելու և Սահմանադրությամբ երաշխավորված անկախ գործընթացներ սկսելու իշխանություն չունի, այդ իսկ պատճառով էլ չի կարողանում շոշափելի հաղթանակներ արձանագրել:
«Ո՛չ ես, ո՛չ էլ որևէ քաղաքական ուժ կինոյի այն հերոսներից չեն, որ փորձեն միայնակ ինչ–որ քայլեր ձեռնարկել, այն դեպքում, երբ տարիներ շարունակ և՛ իշխանությունը, և՛ հասարակությունը իր պասիվությամբ քաղաքական դաշտն ըստ էության ռեսուրսազրկել է: Եվ որևէ մեկը հիմա միայնակ Ռեմբոյի կամ Ջեկի Չանի նման չի կարող բոլորին հաղթել: Իհարկե, այդ ամենը կինոյում շատ լավ նայվում է, բայց իրականության մեջ այդպես չի լինում»,– ասաց Ա. Մարտիրոսյանը:
«Ժառանգություն» կուսակցության փոխնախագահի խոսքով հաջորդ տարի ամեն ինչ նույնությամբ կշարունակվի՝ ռեսուրսազրկում, ուժերի ու հնարավորությունների նվազում և այլն, իսկ իր կողմից կուսակցությունը լքելու մտադրություն չունի: Ամանորից առաջ նա հասարակությանն անկոտրում կամք մաղթեց, որպեսզի ամենօրյա պայքարի արդյունքում հասարակությունը կարողանա նորմալ ու մարդավայել ապրել: Հարցին, թե հնարավո՞ր է, որ Ա.Մարտիրոսյանին նույնպես տեսնենք արտագաղթել ցանկացողների ցանկում, նա թեև սկզբում վստահեցրեց, որ նման բան չկա, բայց հետո՝ չբացառեց նման զարգացումը:
«Արդեն այնպիսի իրավիրճակ է երկրում, որ որևէ մարդ չի կարող հստակ ոչինչ ասել: Այլևս խնդիրը մենակ մենք չենք, այլ արդեն կան երեխաներ, հազար տեսակ հարցեր էլ կան: Ու քանի որ ես երբեք ոչինչ չեմ բացառել, ուստի դա էլ չեմ բացառի»,– խոսքը եզրափակեց Ա. Մարտիրոսյանը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Emirates: Гражданам Ирана запрещён въезд и транзит через ОАЭ
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
