Արտակ Շաբոյանն ուզում է Հռոմի պապից ավելի կաթոլիկ երևալ. «Փաստ»
«Փաստ» օրաթերթը գրում է.
ՀՀ Տնտեսական մրցակցության պաշտպանության պետական հանձնաժողովի` «Երևանի գարեջուր» ընկերությանը 110 միլիոն դրամի չափով տուգանելու որոշումը զայրացրել է ոչ միայն գործարար համայնքին, այլև ողջ հասարակությանը, քանի որ այդպես էլ պարզ չդարձավ, թե գարեջրի շուկայում առկա կատաղի մրցակցության պայմաններում ի՞նչ չափանիշներով է հանձնաժողովն առաջնորդվել, որ եզրակացրել է, թե ընկերությունը գերիշխող դիրք է գրավում շուկայում:
Հարցը հետաքրքրել էր նաև ՀՀ վարչապետին, ով նույնիսկ ակնարկեց այն ոլորտները, որոնք ոչ միայն գերիշխող, այլև տարիներ շարունակ մենաշնորհային դիրք են գրավում շուկայում, բայց մինչ օրս այդպես էլ որևէ անգամ չեն հայտնվել ՏՄՊՊՀ–ի խոշորացույցի տակ: Հարցն անհանգստացրել է նաև «Հայաստանի արդյունաբերողների և գործարարների միության» (ՀԱԳՄ) նախագահությանը և կազմակերպությունը հայտարարություն է տարածել, որում ասվում էր, որ՝ «ՀՀ ՏՄՊՊՀ որոշման քննարկումը մեզ հիմք է տալիս պնդելու, որ այն զուրկ է բովանդակային ծանրաբեռնվածությունից, իսկ դրա որոշ դրույթներ պարզապես հակասում են շուկայի տրամաբանությանը: (…) Լուրջ տարակուսանք է առաջացնում նաև Հանձնաժողովի գործելաոճը, դրան անհրաժեշտ թափանցիկության պակասը»:
ՀԱԳՄ գործադիր տնօրեն Էդուարդ Կիրակոսյանը «Փաստի» հետ զրույցում անդրադառնալով ՏՄՊՊՀ–ի գործելաոճին նշեց, որ իրենց համար անհասկանալի է, թե ինչպե՞ս է պատահում, որ որոշում կայացնելուց առաջ անգամ հանձնաժողովն այդ մասին չի տեղեկացնում այն կազմակերպությանը, ում վերաբերում է տվյալ որոշումը:
«Առավել ևս, երբ 2014–ին «Երևան գարեջուր» ընկերությունը դիմել է հանձնաժողովին և ներկայացրել այն հիմնավորումները, թե ինչու են իրենք որոշել թանկացնել իրենց արտադրանքի գինը: Բայց անցել է երկու տարի ու առանց կազմակերպությանը տեղյակ պահելու նման որոշում են կայացրել, որն անընդունելի է»,– ասաց Է. Կիրակոսյանը:
Նրա դիտարկմամբ վերջին շրջանում կազմակերպությունն անհասկանալի քայլեր է կատարում վերածվելով պատժիչ օղակի: Շուկայում առկա ապրանքատեսակների ռեալ ուսումնասիրություններ իրականացնելու և պարզելու փոխարեն, թե որ կազմակերպությունն է իրականում գերիշխող դիրք գրավում, բոլորովին այլ ճանապարհով է գնում:
«Գարեջրի շուկայում առկա մրցակցության պայմաններին դիմակայելու համար ընկերությունը պետք է ոչ թե բարձրացներ իր արտադրանքի գինը, այլ ընդհակառակը՝ իջեցներ, որպեսզի դիմանար մրցակցությանը: Բայց եթե գնացել է այդ քայլին և այն հիմնավորել է, այդ դեպքում ի՞նչն է պատճառը, որ հանձնաժողովը նման որոշում է կայացրել, հասկանալի չէ»,– ասում է Է. Կիրակոսյանը:
«Հայաստանի արդյունաբերողների և գործարարների միության» գործադիր տնօրենի խոսքով՝ թեև նոր կառավարության գործելաոճը բավականին տարբերվում է նախորդ կառավարությունների գործելաոճից և իր դիտարկմամբ դրական տեղաշարժ կա հարկային, մաքսային և այլ ոլորտներում, սակայն ՏՄՊՊՀ–ն անկախ կառույց լինելով չի ենթարկվում կառավարությանը և իր համար անհասկանալի պատճառներով սկսել է նման տարօրինակ վարքագիծ դրսևորել:
««Երևանի գարեջուր» ընկերությունը ինտերնետից է իմացել, որ ՏՄՊՊՀ–ն նման որոշում է կայացրել, բայց ինչպե՞ս կարելի է կազմակերպությանը 110 մլն դրամի չափով տուգանելու որոշում կայացնել ու այդ մասին չտեղեկացնել ընկերությանը: Իհարկե, կան դատական մարմիններ և որոշումն անպայման կբողոքարկվի, բայց չի կարելի նման ձևով հարվածել ընկերության գործարար հեղինակությանը»,– ասում է Է. Կիրակոսյանը:
«Հայաստանի արդյունաբերողների և գործարարների միությունը» հույս է հայտնում, որ հանձնաժողովը կկասեցնի որոշման ընդունումը և կձեռնարկի մասնագիտական թափանցիկ քննարկումներ՝ բոլոր շահագրգիռ կողմերի մասնակցությամբ:
Շարունակությունը` «Փաստ» օրաթերթի այսօրվա համարում:
Юнибанк разыграет поездку в Италию среди новых держателей карт Mastercard World «Travel»
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Предателя Пашиняна нужно скинуть с трона. Аршак Карапетян
Пашинян замотивирован уничтожить Армению․ Аршак Карапетян
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
