Կրիշտիանու Ռոնալդուն առաջին անգամ մեկնաբանել է Պորտուգալիայի հավաքականում տեղի ունեցած կոնֆլիկտը
Պորտուգալիայի հավաքականի և Սաուդյան Արաբիայի «Ալ-Նասր» ակումբի հարձակվող Կրիշտիանու Ռոնալդուն հանդես է եկել հայտարարությամբ՝ անդրադառնալով Պորտուգալիայի ազգային թիմի գլխավոր մարզիչ Ժորժե Ժեզուսի հետ ունեցած տարաձայնություններին, որոնցից հետո հեռացել է հավաքականի ճամբարից։
Ռոնալդուի խոսքով՝ 2026 թվականի աշխարհի առաջնությունից հետո ինքը նախատեսել էր ավարտել ելույթները հավաքականում, սակայն Պորտուգալիայի ֆուտբոլի ֆեդերացիայի նախագահը խնդրել է վերանայել այդ որոշումը։ Ֆեդերացիայի ղեկավարը նաև հետաքրքրվել է հավաքականի գլխավոր մարզչի թեկնածության վերաբերյալ Ռոնալդուի կարծիքով, և ֆուտբոլիստը հավանություն է տվել Ժեզուսի նշանակմանը։
Ռոնալդուն պատմել է, որ Ժեզուսի հետ առաջին հանդիպման ժամանակ մարզիչը նշել է, որ իր ներկայությունը կարևոր է հավաքականի ծրագրերի համար։ Ըստ նախապես համաձայնեցված ծրագրի՝ Ռոնալդուն պետք է մասնակցեր առաջին և վերջին հանդիպումներին, իսկ ֆիզիկական ծանրաբեռնվածությունը կարգավորելու համար մարզիչը նախատեսում էր յուրաքանչյուր խաղում կատարել 3-4 փոփոխություն։
Միևնույն ժամանակ Ժեզուսը Ռոնալդուին առաջարկել էր չմեկնել Նորվեգիա և Դանիա՝ մասնակցել առաջին խաղին, ապա մնալ Պորտուգալիայում և միանալ թիմին «Դրագաու» մարզադաշտում կայանալիք հանդիպումից առաջ։ Ռոնալդուն հրաժարվել էր այդ տարբերակից՝ նշելով, որ հավաքականի ավագի համար ճիշտ օրինակ չէր լինի արտագնա խաղերին չմեկնելը։
Ռոնալդուի խոսքով՝ հավաքականի հաջորդ հավաքի նախօրեին Ժեզուսը կրկին այցելել է նրա տուն, և կողմերը վերահաստատել են նախապես ձեռք բերված պայմանավորվածությունները։ Ֆուտբոլիստը մասնակցել է «Ալվալադե» մարզադաշտում կայացած հանդիպմանը, իսկ փոխարինվելուց հետո ինքն է ավագի թևկապը փոխանցել Բրունու Ֆերնանդեշին։
Սակայն Նորվեգիայի դեմ խաղի օրը, Ռոնալդուի խոսքով, մարզչի օգնականը նրան հայտնել է, որ Ժեզուսը ցանկանում է խոսել իր հետ։ Մարզիչը հարցրել է՝ արդյոք նա ֆիզիկապես պատրաստ է 30 րոպե խաղալու։ Ռոնալդուն համաձայնել է՝ չնայած այն հանգամանքին, որ այդ խաղը ներառված չէր իր վերականգնման նախապես համաձայնեցված ծրագրում։
«Նա պատասխանեց, որ այդ դեպքում պետք է պատրաստ լինեմ, քանի որ 30 րոպե խաղալու եմ։ Մնացածն արդեն հայտնի է։ Երկրորդ խաղակեսից տաքանում էի, հետևում էի րոպեներին, բայց ինձ այդպես էլ խաղադաշտ դուրս չկանչեցին։ Մարզիչը խախտեց ինձ տված իր խոստումը», – հայտարարել է Ռոնալդուն։
Ռոնալդուն նշել է, որ հենց այս միջադեպից հետո էլ որոշել է հեռանալ հավաքականի ճամբարից։
Հետևեք մեզ՝ այստեղ
Рубеж| В азербайджанских мечетях молятся точно не на древнеазербайджанском языке. Аршак Карапетян
Америабанк — самый инновационный цифровой банк в Армении: 9 наград в рамках премии Global Finance «...
На Эребуни 20/52 открылся обновленный Центр продаж и обслуживания Ucom
Юнибанк вступил в Армянскую ассоциацию солнечной энергетики
Ucom — официальный партнер Армяно-британского бизнес-форума 2026
Юнибанк предлагает долларовые облигации с годовой купонной доходностью 6%
Рубеж| Где будут судить дезертира?. Аршак Карапетян
ВТБ (Армения) предлагает корпоративным клиентам эффективные решения для управления свободными средст...
