ՏՄՊՊՀ–ն բենզինի գնի բարձրացում է արձանագրել. կպարզվի թանկացման պատճառը. «Փաստ»
«Փաստ» օրաթերթը գրում է.
Վերջին շրջանում Հայաստանի բենզինի շուկայում թանկացումներ են գրանցվել: Նշենք նաև, որ օրեր առաջ «Փաստ» օրաթերթի հետ զրույցում վարորդներն ահազանգել էին, որ բենզինի գինը հերթական անգամ 10 դրամով թանկացել է:
Մեր նախորդ համարներից մեկում հայտնել էինք նաև, որ Տնտեսական մրցակցության պաշտպանության պետական հանձնաժողովը բենզինի շուկայում մոնիթորինգ է սկսել, որի արդյունքներն ավելի ուշ կլինեն:
ՏՄՊՊՀ նախագահի խորհրդական Գայանե Սահակյանը մեզ հետ զրույցում երեկ հայտնեց, որ մոնիթորինգի արդյունքներն արդեն հայտնի են:
«Հանձնաժողովի մոնիթորինգն արձանագրել է, որ բենզինի գինը 10 դրամով բարձրացել է:
«Ռեգուլյար» տեսակի բենզինը մայրաքաղաքի որոշ բենզալցակայաններում 400–ի փոխարեն վաճառվում է 410 դրամով: Այդուհանդերձ՝ գնի բարձրացումը համատարած բնույթ չի կրում: Քանի որ այս ոլորտում գերիշխող տնտեսվարողներ ունենք, հանձնաժողովն ուսումնասիրություն կիրականացնի՝ հասկանալու գնագոյացման փոփոխության պատճառները: Բնականաբար, չենք կարող մեկ կամ երկու օրվա մեջ գնահատական տալ իրավիճակին, քանի որ պետք է ուսումնասիրել ձեռքբերման փաստաթղթերը, միջազգային շուկայի դինամիկան: Պետք է հասկանանք նաև, թե ինչ փոփոխություններ են տեղի ունեցել այն երկրներում, որոնցից ներկրվում է բենզինը»,–ասաց Գայանե Սահակյանը՝ հավելելով, որ միայն գնային փոփոխության պատճառները հասկանալուց հետո կարող են գնահատական հնչեցնել:
Հարցին, թե ՏՄՊՊՀ–ն ուսումնասիրությունը ե՞րբ կսկսվի, հանձնաժողովի նախագահի խորհրդականը հայտնեց, որ ուսումնասիրությունն արդեն ընթացքի մեջ է. «Երբ մոնիթորինգը բարձրացում է ֆիքսում, հանձնաժողովն արդեն սկսում է պատճառներն ու գնի բարձրացման հիմնավորվածությունը պարզելու համար ուսումնասիրություն իրականացնել»:
Շարունակությունը՝ «Փաստ» օրաթերթի այսօրվա համարում
Самолет НАТО провел разведку над Черным морем у границ Украины
Стипендиаты программы «Армянские виртуозы» и участники программы «Родом из Арцаха» встретились со вс...
Европейские лидеры поддержат Пашиняна с оговорками или не станут бороться за его рейтинг? «Паст»
Тяжелые последствия «авантюризма»: разве мы представляем себе такое «будущее»? «Паст»
CNN: Иран просит США смягчить санкции и разморозить активы
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
Ходят по домам и расспрашивают: «Паст»
Эдмон Марукян пояснил собственное заявление на съезде партии «Светлая Армения»
Честолюбивый Гюмри снова отверг Пашиняна: «Паст»
