ԶՊՄԿ-ն արձագանքել է իր շուրջ տարածվող հրապարակումներին․ «Զերծ մնացեք քաղաքական նպատակներով ընկերության անունը շահարկելուց»
Զանգեզուրի պղնձամոլիբդենային կոմբինատը հրապարակային արձագանք է տվել վերջին շրջանում իր գործունեության վերաբերյալ շրջանառվող հրապարակումներին՝ դրանք որակելով որպես ապատեղեկատվական և մոլորեցնող։
ԶՊՄԿ-ի լրատվության և հասարակայնության կապերի բաժնի պետ Արայիկ Մարգարյան-ը նշել է, որ որոշ լրատվամիջոցներում ներկայացված պնդումները չեն համապատասխանում իրականությանը և հաճախ կառուցված են ոչ ճշգրիտ կամ շփոթեցնող մեկնաբանությունների վրա։
«Իրականում՝ ճիշտ հակառակը. ԶՊՄԿ-ն միայն 2021 թվականից է 4 տարի անընդմեջ գլխավորել խոշոր հարկատուների ցուցակը, ինչն աննախադեպ ցուցանիշ է եղել ընկերության համար»,- նշել է Մարգարյանը՝ անդրադառնալով այն հրապարակումներին, որոնցում պնդվում էր, թե կոմբինատը կորցնում է իր առաջատար դիրքերը։
Նրա խոսքով՝ 2025 թվականին ընկերության զբաղեցրած երրորդ հորիզոնականը պայմանավորված է եղել «տնտեսության իրական ցուցանիշներին չառնչվող տեխնիկական պատճառներով», մինչդեռ տնտեսական արդյունքների տեսանկյունից ԶՊՄԿ-ն շարունակում է պահպանել առաջատար դիրքերը։
Արայիկ Մարգարյանը նաև անդրադարձել է մոլիբդենի համաշխարհային պաշարների և արտադրության վերաբերյալ հրապարակված գնահատականներին՝ նշելով, որ հոդվածագիրն իրար է խառնել տարբեր տնտեսական և մասնագիտական հասկացություններ։
«Պարզ մաթեմատիկայից հասկացող ցանկացած մարդու համար ակնհայտ է, որ գնահատված պաշարները և տարեկան արտադրության տոկոսները տարբեր հասկացություններ են»,- ընդգծել է նա։
ԶՊՄԿ-ն նաև հերքել է քաղաքական գործընթացներում ներգրավվածության մասին շրջանառվող խոսակցությունները։ «Ամենայն պատասխանատվությամբ պնդում ենք, որ ԶՊՄԿ-ն որևէ քաղաքական ներգրավվածություն և ֆինանսական մասնակցություն չունի»,- նշել է ընկերության ներկայացուցիչը։
Հայտարարության ավարտին Մարգարյանը շեշտել է, որ ապատեղեկատվության և չստուգված պնդումների տարածումը վնասում է ոչ միայն կոնկրետ ընկերությանը, այլ նաև երկրի տնտեսական միջավայրին՝ կոչ անելով «զերծ մնալ քաղաքական նպատակներով ընկերության անունը շահարկելուց»։
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
