Ո՞ր փուլում է «Հանուն Հայաստան պետության» ճակատը. «Փաստ»
«Փաստ» օրաթերթը գրում է.
«Հիմնադիր խորհրդարանի» քարտուղարության համակարգող, Շուշիի առանձնակի գումարտակի հրամանատար Ժիրայր Սեֆիլյանի կոչով ձևավորված «Հանուն Հայաստան պետության» ճակատը վերջերս հրապարակեց իր հռչակագիրը՝ ակնկալելով նաև բարձրացված խնդիրների շուրջ համազգային ներուժի ձևավորում: Ճակատը հռչակագրով մի շարք խնդիրներ և նպատակներ էր առաջադրել՝ նշելով, որ լուծումը տեսնում է նաև համաժողովրդական համախմբման մեջ: Հռչակագրով նաև ՀՀ քաղաքացիների ու արտերկրում բնակվող հայրենակիցներին համախմբման կոչ էր արվել:
«Հանուն Հայաստան պետության» ճակատի անդամ», ԳԽ նախկին պատգամավոր Ալբերտ Բաղդասարյանից հետաքրքրվեցինք՝ արձագանքներն ինչպիսի՞ն են, «ճանապարհային քարտեզի» ձևավորման շուրջ ի՞նչ գործընթացներ են իրականացվում:
«Արձագանքները բազմաբնույթ են, հակասական: Սկսած ակտիվ աջակցությունից, վերջացրած պասիվ հայեցողականությունը: Ինձ համար կարևորն այն է, որ սկզբնական փուլում ճակատի հռչակագրում ամրագրված մտահոգություններն ու գաղափարները կիսում են համարյա բոլորը: Նաև առաջադրված լուծումների մատնանշած ուղին: Համենայնդեպս, առ այսօր ինձ չի հանդիպել այդ գաղափարների դեմ ակտիվ հակազդեցություն: Սպասողականություն կա: Եվ դա բնական է, քանի որ անցած տարիներին ոչնչացվել է հավատը որևէ գաղափարի, այն կրողների, և որևէ գործընթացի նպատակների ազնվության ու կենսունակության նկատմամբ: Ամեն ինչ միշտ ավարտվել է իշխանությունը վերցնելու ու ավելի «ազնիվ կառավարելու» սնանկ լոզունգով: Որն էլ բոլորին բաժանել է հակամարտող հատվածների, պետականակործան ընթացքով»,– «Փաստ»–ի հետ զրույցում ասաց Ալբերտ Բաղդասարյանը:
Մեր զրուցակցի խոսքով՝ այժմ սեղանին են պետության, նորմալ պետական կառավարման համակարգի, այն ստեղծելու ու վստահություն ներշնչող մեխանիզմներով իրականացնելու ճանապարհային քարտեզի նախագծերը:
«Այն կազմելու ակտիվ ու հանրային մասնակցությունից է նաև կախված հետագա գործընթացների հաջողությունը: Կեղծ հույսեր չեմ փայփայում: Այսքան տարվա հիասթափությունները վերացնելու, հավատ ու հույսեր արթնացնելու համար ժամանակ ու ջանքեր են պետք: 25 տարվա ավերածը մեկ հարվածով հնարավոր չէ վերականգնել: Ժամանակն էլ, սակայն, չի սպասում: Պետք է գտնենք արդյունավետ ուղին»,– հավելեց Ա. Բաղդասարյանը:
Օրերս «Հանուն Հայաստան պետության» ճակատը համաձայնագրի վերաբերյալ հայտարարություն էր տարածել՝ նշելով, որ այն ԵՄ կառույցների համար լրացուցիչ հնարավորություն կընձեռի ՀՀ իշխանությունների առջև խիստ պահանջներ դնելու առումով: Դիտարկմանը, թե ամեն դեպքում, կա կարծիք, որ ամենահավակնոտ համաձայնագիրն անգամ առ ոչինչ է, եթե չկա դրանից բխող պահանջներն իրագործելու քաղաքական կամք և արդյոք կիսո՞ւմ է մտահոգությունը, Ալբերտ Բաղդասարյանը պատասխանեց. «Եթե ուշադրություն դարձնեք, մինչ այդ, Ճակատը ողջունելով համաձայնագրի ստորագրումը հույս է հայտնում, որ, մեջբերում եմ, «…համաձայնագրի գործադրումը հնարավորություն կտա Հայաստանի քաղաքացիներին հասնելու Հայաստանի իրական ժողովրդավարացմանը, կնպաստի Հայաստանում մարդու իրավունքներն ու հիմնարար ազատությունները հարգելուն ու պաշտպանելուն»: Իհարկե, համաձայն եմ Ձեր հարցադրմանը: Հայաստանի ժողովրդավարացումը, ինքնիշխանության վերականգնումը, ուստի նաև հզորացումը Հայաստանի քաղաքացիների, ողջ հայության գործն է: Ու ահա այստեղ է, որ մենք հույս ենք հայտնում, որ ԵՄ–ն, հանդես գալով արդեն որպես պաշտոնական կողմ, նաև ինքը հետևողական կլինի ու կաջակցի մեր ժողովրդին այդ գործում:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
