ԱՄԷ-ն սկսել է գաղտնի հարվածներ հասցնել Իրանին․ The Wall Street Journal
ԱՄՆ-ի և Իսրայելի սանձազերծած պատերազմի ընթացքում իրանական կողմի հասցրած ավիահարվածներից ամենաշատը տուժել է Արաբական Միացյալ Էմիրությունները։ Սակայն այժմ հենց ԱՄԷ-ն է սկսել ռմբակոծել Իրանը։ Հակամարտությանը նրանց մասնակցության մասին The Wall Street Journal-ին հայտնել են իրավիճակին ծանոթ մի քանի անձինք։ ԱՄԷ-ն ունի ժամանակակից զինված ուժեր՝ հագեցած հետախուզական համակարգերով և արևմտյան արտադրության կործանիչներով (ներառյալ ֆրանսիական Mirage և ամերիկյան F-16 ինքնաթիռները)։ Այժմ երկիրը պատրաստ է օգտագործել դրանք սեփական տնտեսական շահերը պաշտպանելու և Մերձավոր Արևելքում իր աճող ազդեցությունն ամրապնդելու համար։
Իսրայելական և ամերիկյան ուժերի կողմից Իրանի ՀՕՊ համակարգերի ոչնչացումը զգալիորեն նվազեցրել է Էմիրությունների ռազմաօդային ուժերի համար առկա ռիսկերը։ Պաշտոնապես չհաստատված հարձակումների թվում է եղել ապրիլի 8-ին Պարսից ծոցում գտնվող իրանական Լավան կղզու նավթավերամշակման գործարանին հասցված հարվածը։ Այս մասին հայտնել են WSJ-ի աղբյուրները։ Այդ հարվածը խոշոր հրդեհ է առաջացրել և առնվազն մի քանի ամսով շարքից հանել արտադրական հզորությունների զգալի մասը։
Զրուցակիցներից մեկի խոսքով՝ ԱՄՆ-ն ոչ հրապարակայնորեն ողջունել է Էմիրությունների հասցրած հարվածները և հավանություն տվել Պարսից ծոցի այլ երկրների նմանատիպ գործողություններին։ ԱՄԷ արտաքին գործերի նախարարությունը հրաժարվել է մեկնաբանել գործողությունները, սակայն հղում է արել նախկին հայտարարություններին, որոնցում նշվում էր թշնամական գործողություններին արձագանքելու վերաբերյալ երկրի իրավունքի մասին։
Ընթացիկ հակամարտության ժամանակ ԱՄԷ-ն դարձել է Իրանի հարձակումների գլխավոր թիրախը։ Իրանը դեպի Էմիրություններ է արձակել ավելի քան 2800 հրթիռ և անօդաչու թռչող սարք՝ ավելին, քան որևէ այլ երկրի, այդ թվում՝ Իսրայելի ուղղությամբ։
Մերձավոր Արևելքի հարցերով վերլուծաբան և ԱՄԷ-ի տնտեսական ու քաղաքական ազդեցության աճի մասին գրքի հեղինակ Դինա Էսֆանդիարին Իրանի դեմ պատերազմի մեջ արաբական երկրի ներգրավումը համարում է կարևոր իրադարձություն։ «Այժմ Թեհրանն է՛լ ավելի մեծ ջանքերով կփորձի սեպ խրել ԱՄԷ-ի և Պարսից ծոցի այն արաբական երկրների միջև, որոնք փորձում են միջնորդի դեր ստանձնել հակամարտության կարգավորման հարցում»,- հավելել է նա։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Саммит хромых уток в Ереване
Чья кандидатура будет выдвинута на пост президента Союза армян России? «Паст»
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
Борьба против Армянской Апостольской Церкви уничтожает легитимность любой власти․ Арман Варданян
