Հացաշենի դպրոցը վերանորոգման իր հերթին է սպասում. «Փաստ»
«Փաստ» օրաթերթը գրում է.
Արագածոտնի մարզի Հացաշեն համայնքի դպրոցը հեղուկ վառելիքով է ջեռուցվում: Համայնքի բնակիչները «Փաստ» օրաթերթի թղթակցի հետ զրույցում դժգոհեցին, որ երեխաները դասասենյակներում ստիպված են լինում վերարկուով և գլխարկով նստել: Բացի դա էլ, սոլյարկայի հոտից նրանց առողջությունն է քայքայվում:
«Երեխաները, որ տուն են գալիս, հոտը փչում է: Գլուխներն է ցավում, անընդհատ վատ են զգում»,– բողոքեցին նրանք:
Տնօրեն Վարդուհի Արամյանը վստահեցրեց, որ դասասենյակներում կարողանում են միջին ջերմաստիճան ապահովել: Այս օրերին յուրաքանչյուր դասասենյակին 2,5 լիտր վառելիք են հատկացնում, խիստ ցրտերին՝ չափաբաժինն ավելացնում են:
«Ձմռանը 3 կամ 3,5 լիտր ենք տալիս, որ ցուրտ չլինի: Մինչև դասերի վերջ վառելիք լինում է մեջը, որ ջերմաստիճանը պահպանվի»,– հայտնեց նա:
Գյուղը գտնվում է ծովի մակարդակից 1570 մ բարձրության վրա: Կլիման չափավոր ցամաքային է, ձմեռները` ցուրտ: Ամեն տարի հաստատվում է կայուն ձնածածկույթ: Հունվարյան միջին ջերմաստիճանը այստեղ տատանվում է -5–6–ի սահմաններում:
Դպրոցի ներսում սանհանգույց չկա: Երեխաները դրսում գտնվող կիսաքանդ պետքարանից են օգտվում: Ծնողներին ամենաշատն անհանգստացնում է այս հարցը: «Ցրտին, սառնամանիքին երեխաները պետք է բակ գնան: Մրսում են դրսում»,– ահազանգեցին նրանք: Տնօրենի խոսքով՝ այն շենքից շատ հեռու չի գտնվում: Առայժմ դպրոցի բյուջեն չի հերիքում պետքարանը դրսից ներս տեղափոխելու համար:
«Քիչ է աշակերտների քանակը, մեր ուժերով չենք կարող անել, ֆինանսավորում է անհրաժեշտ»,– ասաց Արամյանը:
Այստեղ մի քանի տարի առաջ սեփական միջոցներով մի քանի դասասենյակ են նորոգել: 4 դասասենյակի պատուհաններ են փոխվել: Սա շնորհիվ բարեգործական ընկերության: Վերանորոգման կարիք ունեցող դպրոցի հույսը նաև բարեգործներն են:
Տնօրենն ասաց, որ մարզպետարանի կրթության բաժնի պետը խնդիրը մարզպետին է ներկայացրել և լավ լուր հայտնել հացաշենցիներին:
«Մարզպետն ասել է, որ մեզ էլ ծրագրում կընդգրկեն»,– փոխանցեց նա:
Այստեղ լիահույս են, որ կարող է մի օր իրենց բաղձալի երազանքը կատարվի։
Այսօր Հացաշենի աշակերտները և ամբողջ աշխատակազմը շունչները պահած սպասում են, թե երբ են շինարարները դպրոց այցելելու։
Շարունակությունը՝ «Փաստ» օրաթերթի այսօրվա համարում
"Миссия Добро": Волонтеры из РФ помогают армянским детям с особенностями развития
Обещают «сожрать» право граждан Армении на свободный выбор: «Паст»
Тегеран-Москва-Ереван: формирующаяся новая ось в Евразии: «Паст»
Впервые гражданин РА был удостоен «Почетной грамоты» от президента РФ: «Паст»
С азербайджанской железнодорожной станции Беюк-Кясик отправлен состав с топливом для Армении
Сегодня - премьер-министр, завтра - бывший, а Церковь вечна: «Паст»
Итальянский городок в Тоскане платит $30 000 за переезд — с одним условием
Напряжная ситуация во дворе церкви
Картина «Почтальон» Карена Геворкяна удостоилась специального упоминания на фестивале документальног...
Визит Оверчука в Ереван։ новые импульсы Москвы: «Паст»
