Առևտրաշրջանառության զարգացմանը միտված անվանափոխում. «Փաստ»
«Փաստ» օրաթերթը գրում է.
Նոյեմբերի 29–ին կկայանա Երևանի ավագանու երկրորդ նստաշրջանի երրորդ նիստը: Նիստի օրակարգի հիմնական հարցերը փողոցներն անվանակոչելու կամ հուշատախտակներ փակցնելուն են վերաբերում:
Փողոցների անվանափոխումների մեջ հատկանշական է Հնդկաստան անունով փողոց ունենալու փաստը: Կենտրոն վարչական շրջանի Ձորափի փողոցի՝ Պարոնյան փողոցից մինչև Ուրուգվայի հրապարակ ընկած հատվածը կվերանվանեն Հնդկաստանի փողոց։ Կոնկրետ այս որոշումը պայմանավորված է Արտաքին գործերի նախարարության կողմից ներկայացված միջնորդությամբ. «Հայաստանի Հանրապետության և Հնդկաստանի Հանրապետության միջև առևտրատնտեսական հարաբերությունների, արդյունաբերության բարձրացման, տեխնոլոգիաների, կրթության և մշակույթի բնագավառներում հայ–հնդկական հարաբերություններն ամրապնդելու նպատակով, առաջարկվում է Երևան քաղաքի Կենտրոն վարչական շրջանի Ձորափի փողոցի մի հատվածը վերանվանել Հնդկաստանի փողոց»:
Իհարկե, Երևանում արդեն իսկ կան երկրների կամ քաղաքների անուններով փողոցներ, օրինակ՝ Իտալիայի, Աթենքի, Բեյրութի, Բուդապեշտի ու Պրահայի: Բայց զարմանալին այն է, թե անվանափոխումը հիմնավորելու համար ինչ կապ կարող է լինել առևտրատնտեսական հարաբերությունների զարգացման և այդ անվանակոչման մեջ:
Ավագանու նախագծով հուշատախտակներ կփակցվեն ՀՀ ժողովրդական արտիստ Օֆելյա Համբարձումյանի և ՀՀ վաստակավոր արտիստ Նորայր Հովհաննիսյանի հիշատակին՝ Թամանյան փողոց հ. 6 հասցեում։ Պետական գործիչ, գիտնական, պրոֆեսոր Սեմյոն Հախումյանի հիշատակը հավերժացնող հուշատախտակը կփակցվի Մաշտոցի պողոտա հ. 39/12 հասցեում, ՀՀ ժողովրդական նկարիչ Սլավիկ Պարոնյանի հիշատակը հավերժացնող հուշատախտակն էլ կլինի Սարյան փողոց հ. 11 հասցեում գտնվող շենքի վրա։ Ակադեմիկոս, բժշկական գիտությունների դոկտոր, պրոֆեսոր Սուրեն Ավդալբեկյանի հիշատակը հավերժացնող հուշատախտակը Տերյան փողոց հ. 62 հասցեում կփակցնեն։ ՀԽՍՀ վաստակավոր բժիշկ–մանկաբույժ Իզաբելլա Դավթյանի հիշատակը հավերժացնող հուշատախտակն էլ կփակցնեն Սարմենի փողոց հ. 50 հասցեում:
Ինչ վերաբերում է փողոցների անվանափոխումներին, ապա կունենանք Վազգեն Առաջին Վեհափառի, Վռամշապուհ արքայի, Սերգեյ Փարաջանովի անվամբ փողոցներ՝ համապատասխանաբար Կասյան, Ամիրյան ու Իսրայելյան փողոցից մինչև Հրազդանի կիրճ ընկած հատվածի՝ Ս. Փարաջանովի թանգարանի հարակից փողոցի փոխարեն: Իսակովի պողոտան Լենինգրադյան փողոցին կապող ճանապարհահատվածը կանվանակոչվի Մոնթե Մելքոնյանի անունով, Սարալանջի փողոցից մինչև Լեռ Կամսարի փողոցն ընկած ճանապարհահատվածը՝ Լեոնիդ Ազգալդյանի։ Փողոց կունենանք նաև Ապրիլյան հերոսների հիշատակին, խոսքը Շենգավիթ վարչական շրջանի Ֆրունզեի փողոցի մասին է: Վերջապես Դավիթաշեն վարչական շրջանի Անաստաս Միկոյանի փողոցն էլ կանվանափոխեն հայ մեծ բարերար Քըրք Քըրքորյանի անվամբ։
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
