Ուղիղ ցուցո՞ւմ. ինչո՞ւ են խառնվել իշխանությունները. «Փաստ»
«Փաստ» օրաթերթը գրում է.
Այն, որ Նիկոլ Փաշինյանը նորից ցնցումների մեջ է ընկել, սպասելի ու հասկանալի է: Մարդն ակնհայտորեն իշխանություն է կորցնում: Նախորդ երկու օրվա փաշինյանական ամբողջ աղմուկին անդրադառնալու իմաստ չենք տեսնում, բայց հատկապես երկու թեմա «ականջ է սղոցում»: Նախ՝ նա արդեն որերորդ անգամ հայտարարում է, որ հիմնական ընդդիմադիր ուժերը՝ «Ուժեղ Հայաստանը», «Հայաստան» դաշինքն ու ԲՀԿ-ն, չպետք է անցնեն խորհրդարան, թե իբր նշված ուժերը չեն հաղթահարելու անցողիկ շեմը, այս, այն:
Իհարկե, շատերն են նկատել, որ այս ամենն արդեն իսկ պարտված և հեռացող գործչի խոսք է, ընդհանրապես՝ պահվածքն է այդ մասին խոսում: Բա եթե չեն «անցնելու», այս ինչո՞ւ եք ողջ ՔՊ-ով խառնվել իրար, հանգիստ «ֆռֆռացեք», էլի: Բայց սա՝ իր հերթին: Կա նաև առավել կարևոր հանգամանք: Երբ որ նման հայտարարություն կրկնում է վարչապետի պաշտոնն զբաղեցնողը, ապա դա ինքնին կարող է դառնալ ուղիղ ցուցում, անգամ հրաման ԿԸՀ նախագահին: Որն, ի դեպ, փաշինյանական է: Այ, սա արդեն լուրջ մտորումների տեղիք պետք է տա առաջին հերթին նրանց, ովքեր հետևում են այս ընտրությունների ընթացքին ու ովքեր ժողովրդավարություն են դավանում:
Երկրորդը՝ Փաշինյանը ընդդիմադիր լիդերներին ասում է՝ դուք ո՞վ եք, ձեզանից ի՞նչ եք ներկայացնում: Չէ, սա կատակ չէ, երդվում ենք՝ այդպես էլ ասել է: Ու դա ասել է Արցախում ազատամարտի ընթացքը ղեկավարած ու հաղթած պետական գործչին, երկրի տնտեսությունը ոտքի կանգնեցրած, պետականության հիմքերը ամրապնդած նախագահին՝ Ռոբերտ Քոչարյանին: Ասել է մեր երկրի տնտեսության մեջ մեծ դերակատարում ունեցած, հայկական սպորտը ընկած վիճակից վեր բարձրացրած ու նվաճումներ խրախուսած, մշտապես հայ մարդկանց կողքին եղած Գագիկ Ծառուկյանին: Ասում է գործարար ու բարերար Սամվել Կարապետյանին, որ, բացի միլիարդատեր լինելուց, բացի հազարավոր մարդկանց զբաղվածությամբ ու աշխատատեղով ապահովելուց, նաև հսկայական բարեգործական ծրագրեր է իրականացրել Արցախում ու ՀՀ-ում: Ով ում հանդեպ ինչ ընկալումներ ունենա, խոսքը մարդկանց մասին է, որոնք, բացի կայացած անհատներ լինելուց, երկրի, ժողովրդի համար գործեր ունեն արած, վաստակ ունեն: Հա, իրենց բոլոր թերություններով հանդերձ, թերություն չունեցողը թող առաջինը քար նետի:
Ու ով է խոսում, ով է նման տոնայնությամբ արտահայտվում, ով է նման հարց տալիս: Պատահական չէ, որ հենց սոցցանցերում ամենաշատ հանդիպող ձևակերպումը փոխադարձումն էր, թե «բա դուք ո՞վ եք, ախր, ինչե՞ր ունեք արած»: Մարդիկ նշում են, որ ինչի դիպել են այս իշխանությունները, քայքայման ու կործանման են տարել, զրոյացրել ու մինուսացրել են: Երկիրն ու ժողովրդին պատերազմական աղետի տարած, Արցախն ուրացած ու թշնամուն հանձնած, մոտ 5000 լուսավոր տղաների մահվան մատնած, «Եռաբլուրը» եռապատկած, չարած աշխատանքի համար իրենք իրենց բազմամիլիոն պարգևավճարներ դուրս գրած Փաշինյանն ու ՔՊ-ն են համարձակվո՞ւմ որևէ մեկի հասցեին ինչ-որ բան ասել: Ժողովրդին հարկերով ու տուգանքներով, անդադար թանկացումներով «քերթողնե՞րը»: Իսկ գուցե նախ ինքներդ ձեզ նայե՞ք, հը՞: Կողքից: Առանց արհեստական նարցիսիզմի:
Մանրամասները՝ «Փաստ» օրաթերթի այսօրվա համարում
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
