«Ոժեղ Հայաստան» կուսակցության անդամների այցը Աշտարակ համայնք
Ապրիլի 4-ին «Ուժեղ Հայաստան» կուսակցության անդամներն աշխատանքային այցով գտնվում էին Աշտարակ համայնքում։
Առաջին կանգառը Ուջանում էր, որտեղ կուսակցության խորհրդի անդամ Նարեկ Կարապետյանը ուջանցիների հետ հանդիպմանը ներկայացրել է կուսակցության տնտեսական և անվտանգային ծրագրերի հիմնական դրույթները։ Խոսելով աղքատության հաղթահարման հրամայականի մասին՝ Նարեկ Կարապետյանն ընդգծել է, որ աղքատության հարցը լուծվելու է տնտեսության միջոցով, և շեշտել Հայաստանի համար տնտեսագետ ղեկավար ունենալու անհրաժեշտության մասին։
Հանդիպմանը Նարեկ Կարապետյանը լսել է բնակավայրի բնակիչներին հուզող խնդիրները և պատասխանել վերջիններիս հետաքրքրող հարցերին։
Հաջորդիվ կուսակցության անդամների այցելեցին Ոսկեվազ բնակավայր, որտեղ կայացած հանդիպմանը կուսակցության խորհրդի անդամ Նարեկ Կարապետյանը խոսել է մեր երկրի առջև ծառացած անվտանգային մարտահրավերների մասին՝ վկայակոչելով կուսակցության կողմից շաբաթներ առաջ ներկայացված «Ուժեղ խաղաղություն» անվտանգային ծրագրի հիմնական դրույթները։ Հանդիպման ընթացքում տեղի է ունեցել մտքերի փոխանակում Հայաստանի առջև ծառացած խնդիրների և մարտահրավերների մասին։
Ոսկեվազում տեղի ունեցած հանդիպումից հետո կուսակցության անդամները ուղևորվեցին Աշտարակ քաղաք, որտեղ Սիսակյան 9/3 հասցեում բացվեց «Ուժեղ Հայաստան» կուսակցության Աշտարակ քաղաքի տարածքային գրասենյակը։
Հանդիպմանը Նարեկ Կարապետյանը, խոսելով երկրի տարբեր ոլորտներում կուտակված խնդիրների մասին, խոսել է փոփոխությունների անհրաժեշտության մասին. «Հայաստանին այսօր պետք է մեծ փոփոխություն։ Մեծ փոփոխությունը Հայաստանին կարող է բերել միայն առաջնորդության փոփոխության դեպքում։
Տեսնենք, թե ով ունի հնարավորություն այս առաջնորդին փոխելու։ Մարդիկ ուզում են նոր առաջնորդ։ Ուզում են մարդ, որ չի իշխել այս երկիրում, ուզում են մարդ, ով պատասխանատու չէ նրա համար, թե ինչ կյանքով ենք այսօր ապրում ու ինչին որ հասել ենք։ Այսօր Հայաստանում մի ուժ կա, որ նոր հայտ է ներկայացրել։
Մի ուժ կա, որի առաջնորդը չունի որևէ բանի կարիք և իշխանության է գալիս արդեն իսկ ֆինանսապես ապահովված», - նշել է Նարեկ Կարապետյանը։
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
