Իսկ ո՞ւր մնաց մարդկությունը. «Փաստ»
«Փաստ» օրաթերթը գրում է.
Այն, ինչ կատարվում է այս օրերին 18-ամյա դպրոցական Դավիթ Մինասյանի հետ, ավելին է, քան պարզապես կանխամտածված դաժանությունը և խոշտանգումը: Հիշեցնենք, խոսքը այն երիտասարդի մասին է, որին հրմշտել ու դեմքին հարվածել են անցած կիրակի Սուրբ Աննա եկեղեցի ներխուժած Փաշինյանին ուղեկցող նրա թիկնապահները: Տարածվում է, թե Դավիթ Մինասյանն էլ, իբր, փորձել է հարվածել Փաշինյանին: Հատկանշական է, որ փաշինյանական քարոզիչներն իրենց կուռքի հրահրած հրմշտուքի պայմաններում կատարվածը ներկայացնում են համարյա գրեթե որպես մահափորձ:
Եվ ահա, արդեն երկու-երեք օր է, ինչ կանոնավոր բժշկական հսկողության կարիք ունեցող 18-ամյա տղային փաշինյանական ռեժիմի կամակատար դատաիրավական համակարգի տարբեր օղակները ուղղակիորեն տանջում և խոշտանգում են՝ տալով կալանքի որոշում, ապա այս բանտից այն մի բանտը տեղափոխելով՝ գործնականում զրկելով ժամանակին նորմալ բուժօգնություն ստանալու հնարավորությունից: Իսկ երեկ ընդհանրապես այնքան էր վատացել երիտասարդի վիճակը, որ շտապ տեղափոխվել էր հիվանդանոց:
Լավ, ի՞նչ է կատարվում: Այն, որ քպական ու փաշինյանական ռեժիմը խիղճ ասվածից ու մարդկայնությունից զուրկ է, դա պարզորոշ տեսանելի է նաև նկարագրվող իրադարձություններից: Բայց միայն դա չէ: Տեղի ունեցողն առաջին հերթին թողնում է այնպիսի տպավորություն, որ սա Փաշինյանի անձնական վրեժխնդրության, քինախնդրության դրսևորում է: Ու ոչ միայն Դավիթ Մինասյանի հանդեպ: Սա քինախնդրություն է մի սերնդի նկատմամբ, որը չի ընդունում սուտն ու պարտվողականությունը: Չի համակերպվում մանկուրտ դառնալու և թրքանալու, կրոնափոխ լինելու իշխանական պարտադրանքին:
Երկրորդը. տեղի ունեցողը ցույց է տալիս, թե փաշինյանական իշխանությունն ու իր կամակատարները որքան են սարսափում նույնիսկ դպրոցականից:
երրորդը. էլ ավելի մեծ զզվանք ու նողկանք են հարուցում այն արարածները, որ «սրտիկի» նշաններով էջերով սոցցանցերում հարձակվել են երիտասարդի վրա: Անմակարդակ, զզվելի, տմարդի ու անսահմանորեն ողորմելի:
Չորրորդն արդեն իրավաբարոյական խնդիրն է, այն է՝ Փաշինյանի գլխավորած հակաժողովրդավարական, ավտոկրատիկ ռեժիմը վերստին կիրառում է «խոշտանգում՝ կալանքով» տանջանքը: Մի բան, որ անցած 8 տարում կիրառել են բազմիցս, տարբեր գործիչների, քաղաքացիների դեմ:
Բայց նաև ակնհայտ է, որ Արցախը, Հայաստանը, Արարատը, Հայ եկեղեցին ատող այս հակաժողովրդավարական ռեժիմը չի կարողանալու կոտրել հայ Դավիթներին:
Մանրամասները՝ «Փաստ» օրաթերթի այսօրվա համարում
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
