Բաբկեն Պիպոյան. «Եթե պատկան մարմինը ժամանակ տրամադրեր և հսկողություն կատարեր, թունավորումը կկանխվեր». «Փաստ»
«Փաստ» օրաթերթը գրում է.
Ճոճկանի մանկապարտեզում արձանագրվել են աղիքային սուր վարակիչ հիվանդություններ: Մանկապարտեզից վերցված սննդամթերքի լաբորատոր հետազոտության արդյունքում պանրի և մակարոնով փլավի նմուշներում հայտնաբերվել է ռոտավիրուս:
Համաճարակաբանական և լաբորատոր հետազոտությունների արդյունքներով երեխաների շրջանում աղիքային վարակիչ հիվանդությունների առաջացման հավանական պատճառը մանկապարտեզում սննդամթերքի երկրորդային ախտոտումն է, որի համար աղբյուր են հանդիսացել մանկապարտեզի այն աշխատակիցները, ում մոտ լաբորատոր հետազոտության արդյունքում հայտնաբերվել է շիգելլոզ և ռոտավիրուսային վարակ:
«Իրազեկ և պաշտպանված սպառող» հասարակական կազմակերպությունն ՀԿ ղեկավար Բաբկեն Պիպոյանը «Փաստ» օրաթերթի թղթակցի հետ զրույցում ասաց, որ ստեղծված իրավիճակը պատկան մարմինների անգործության հետևանքն է:
Նա գտնում է, որ մանկապարտեզներում և դպրոցներում սննդի անվտանգության պահպանման աշխատանքները պետք է ամենօրյա բնույթ կրեն:
«Չպետք է թունավորումը լինի, նոր գնան ինչ–որ բան հայտնաբերեն: Մենք ուզում ենք տնտեսվարողին կանչել պատասխանատվության: Երբ պետք է բացատրենք գործադիր իշխանությանը՝ եթե ինչ– որ մեկին կանչում է պատասխանատվության, առաջին հերթին իր թիմին պետք է պատասխանատվության ենթարկի»,– նկատեց փորձագետը և հավելեց, որ ցանկացած կառույց պետք է իր տեղում լինի և իր լիազորությունները կատարի:
Խնդիրը կարգավորելու նպատակով Բաբկեն Պիպոյանը մեկ անգամ չէ, որ իր առաջարկությունները ներկայացրել է: Այսօր մեկ անգամ ևս դրանց մասին բարձրաձայնում է: Նրա խոսքով՝ մինչև սննդի մատակարարում իրականացնելը պատկան կառույցը պետք է պարզի՝ մրցույթում հաղթած ընկերությունն ունի մատակարարման անհրաժեշտ պայմաններ:
«Տենդերից առաջ չես կարող հասկանալ՝ ինքը խնդիր ունի, թե՝ ոչ: Օրինակ՝ մատակարարն ունի հրաշալի պայմաններ, 70–80 կգ տարողությամբ սառնարան և այլն: Եթե մենք նախապես ենք սա ստուգում, որևէ խնդիր չենք հայտնաբերում: Հետո կարող է պարզվել, որ սառնարանի նշված տարողություն ունեցող ընկերությունը հաղթել է 700 կիլոգրամանոց սառնարանի մրցույթում: Պարզ է, որ արդեն խախտում կա»,– բացատրեց Պիպոյանը:
Մանկապարտեզներում պետք է տեսանելի վայրում փակցված լինի մատակարարվող ապրանքների ցանկը և սննդի տրամադրման ժամանակացույցը: Ցանկացած մարդ այսպիսով կարող է վերահսկողություն իրականացնել: Այս մասին «Իրազեկ և պաշտպանված սպառող» ՀԿ ղեկավարն առաջարկել էր նախորդ կառավարությանը: Բացի սա, անհրաժեշտ է նաև ծնողների իրազեկվածության մակարդակը բարձրացնել: Առաջարկը, սակայն, այդպես էլ օրենքի ուժ չի ստացել:
Օրեր առաջ Սննդամթերքի անվտանգության պետական ծառայությունը պետական վերահսկողության շրջանակներում կասեցրել է Մարալիկի համայնքային «Անի» և «Արթիկի թիվ 4» մանկապարտեզներում հանրային սննդի արտադրական գործառույթը: Պիպոյանին, սակայն, մեկ հարց է անհանգստացնում. «Խայտառակ սանիտարական վիճակը մեկ օրում առաջացա՞վ: Ամբողջ ժամանակ ինչո՞վ էիք զբաղված: Եթե պատկան մարմինը ժամանակ տրամադրեր և հսկողություն կատարեր, ապա թունավորումը կկանխվեր, և ոչ թե թունավորումից հետո միայն մանկապարտեզը փակեր»:
Նա նաև նշեց, որ նմանատիպ երևույթներից խուսափելու համար անհրաժեշտ է պարբերաբար հասարակությանը ներկայացնել մատակարար ընկերություններում ստուգումների արդյունքների, մանկապարտեզներում մթերքի որակի ստուգումների, չարաշահումների կանխման միջոցառումների անցկացման մասին տեղեկություններ:
Շարունակությունը՝ «Փաստ» օրաթերթի այսօրվա համարում
"Миссия Добро": Волонтеры из РФ помогают армянским детям с особенностями развития
Обещают «сожрать» право граждан Армении на свободный выбор: «Паст»
Тегеран-Москва-Ереван: формирующаяся новая ось в Евразии: «Паст»
Впервые гражданин РА был удостоен «Почетной грамоты» от президента РФ: «Паст»
С азербайджанской железнодорожной станции Беюк-Кясик отправлен состав с топливом для Армении
Сегодня - премьер-министр, завтра - бывший, а Церковь вечна: «Паст»
Итальянский городок в Тоскане платит $30 000 за переезд — с одним условием
Напряжная ситуация во дворе церкви
Картина «Почтальон» Карена Геворкяна удостоилась специального упоминания на фестивале документальног...
Визит Оверчука в Ереван։ новые импульсы Москвы: «Паст»
