Հիմա ինչի՞ց են «նեղված» քպականները. «Փաստ»
«Փաստ» օրաթերթը գրում է.
Մեր ունեցած տեղեկություններով, ՔՊ-ում դժգոհության նոր ալիք է բարձրանում։ Այս դեպքում դա պայմանավորված է նրանով, որ Նիկոլ Փաշինյանը արվեստի և մշակույթի մի շարք գործիչների «համոզել» է առաջադրվել ՔՊ նախընտրական ցուցակով՝ վերջիններիս բավական բարձր դիրքեր խոստանալով ընտրական ցուցակում, ինչն էլ հարուցել է ՔՊ հնաբնակների և խորհրդարանական խմբակցության պատգամավորների դժգոհությունները։ Վերջիններս հրաշալի հասկանում են, որ նշյալ դերասանները, երգիչները քարոզարշավում իրենց անունն օգտագործելու համար բարձր դիրքեր են պահանջելու ընտրական ցուցակում։
Առանց այն էլ ակնհայտ է, որ պատգամավորներից շատերը նոր խորհրդարանում պարզապես չեն լինի։ Փոխարենը կլինեն մարդիկ, որոնք երբևէ քաղաքացիական և քաղաքական դիրքորոշմամբ աչքի չեն ընկել, պարզապես հանուն իրենց կոնմֆորտի և լավ ապրելու համագործակցության մեջ են մտել Նիկոլ Փաշինյանի հետ և կարող են հայտնվել խորհրդարանում՝ որպես կոճակ սեղմողներ։
Մեր աղբյուրի փոխանցմամբ, օրերս ՔՊ խմբակցությունում բավականին լուրջ քննարկում է եղել, դիմել են Նիկոլ Փաշինյանին, որպեսզի վերջինս նշված «սերիալային դերասաններին» իր հիմնական թիմակիցներից ավելի բարձր հորիզոնականներում չդնի։ Հարցը հասել է մինչև ՔՊ վարչության նիստ, որտեղ այն բարձրաձայնվել է Նիկոլ Փաշինյանի ներկայությամբ։ Մեր տեղեկություններով, սակայն, Փաշինյանը սարսափելի զայրացել է, հորդորել «չմոռանալ», որ ինքն է որոշում, թե ով պետք է լինի խորհրդարանում։ Ճիշտ է, նաև հիշեցրել է, որ ցուցակը կազմվելու է առաջիկայում կայանալիք ՔՊ համաժողովում, բայց խմբակցությունում վստահ են, որ այդ համաժողովում ցուցակները կազմվելու են նախապես տրամադրված հուշաթերթիկներով: Համաժողովին 1000- ից ավելի պատվիրակներ են մասնակցելու, որոնց հետ հիմնականում աշխատում են ՔՊ տարածքային կազմակերպության ներկայացուցիչները, նրանց վերահսկում են վարչապետի աշխատակազմից՝ «հուշելով» այս կամ այն ընտրությունը կատարել: Ըստ մեր զրուցակցի, քպականները վստահ են, որ արդյունքում բազմաթիվ նոր դեմքեր կլինեն ընտրացուցակի բարձր հորիզոնականներում։ Ըստ այդմ, քպականները նաև դժգոհ են, որ իրենք ոչ միայն չեն հայտնվի խորհրդարանում, այլև կկորցնեն կես միլիոնից մինչև 1,5 միլիոն դրամ գումարը, որը պարտադրել են վճարել կուսակցության բյուջե։
Ի դեպ, այս պահին հայտնի է միայն մեկ դերասանի անուն, սակայն, մեր ունեցած տեղեկություններով, քպականացվող ու ՔՊ-ի ցուցակում տեղ ունենալու թեկնածու դերասանների և երգիչների թիվը մոտ երկու տասնյակի է հասնում։
Մանրամասները՝ «Փաստ» օրաթերթի այսօրվա համարում
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
