«Մեր Ձևով»-ի ծրագիրը հիմնված է այն լուծումների վրա, որոնք կարող են իրական փոփոխություն բերել Հայաստանում
Հունվարի 20-ին Երևանում տեղի ունեցավ «Մեր Ձևով» շարժման և գործարար ու բարերար Սամվել Կարապետյանի կողմից ներկայացված «5 քայլ դեպի ուժեղ Հայաստան» տնտեսական ծրագրի շնորհանդեսը։ Կազմակերպիչների ներկայացմամբ՝ ծրագրի հիմքում դրված են այն կառուցվածքային բարեփոխումները, որոնք անհրաժեշտ են Հայաստանի կայուն զարգացման և տնտեսական վերակառուցման համար։
Փաստի հետ զրույցում գյուղատնտեսության մասնագետ Հարություն Մնացականյանը նշել է, որ «Մեր Ձևով» շարժումը ձևավորում է ապագայի տեսլական՝ հիմնված պետության և հասարակության այսօրվա իրական կարիքների վրա։ Նրա խոսքով՝ շարժման շրջանակում իրականացվող աշխատանքները բաժանված են մի քանի հիմնական ուղղությունների՝ տնտեսություն, քաղաքականություն, գյուղատնտեսություն և սոցիալական ոլորտ, ինչը թույլ է տալիս ամբողջական պատկերացում կազմել առկա խնդիրների մասին և առաջարկել իրատեսական լուծումներ։
Մնացականյանի խոսքով՝ արդեն իսկ առկա են առաջին արդյունքները, որոնք հնարավորություն են տալիս գնահատել ծրագրի արդյունավետությունը և զարգացման ներուժը։ Նա ընդգծել է, որ շարժման ներկայացուցիչները պարբերաբար այցելում են Հայաստանի մարզեր, անմիջական շփման մեջ են տեղի բնակչության հետ և խորապես տեղեկացված են մարդկանց առօրյա խնդիրներին ու սպասումներին։
Փորձագետի գնահատմամբ՝ ներկայացված ծրագիրը հիմնված է այն գործոնների վրա, որոնք կարող են իրականում բարելավել կյանքի որակը Հայաստանում։ Նա նշել է, որ Սամվել Կարապետյանի բազմամյա փորձը բիզնեսի ոլորտում հնարավորություն է տալիս խորքային վերլուծել երկրի տնտեսական մարտահրավերները և առաջարկել արդյունավետ մեխանիզմներ, որոնք կարող են Հայաստանը դուրս բերել զարգացման փակուղուց։
Ծրագրով նախատեսվում է երկրում շուրջ 300 հազար աշխատատեղի ստեղծում՝ ինդուստրիալիզացիայի քաղաքականության միջոցով, փոքր բիզնեսի ազատում հարկերից, ինչպես նաև վրացական փորձի կիրառում դեղագործական ոլորտում։ Մասնավորապես, նախատեսվում է անցում ERP համակարգին, ինչը կնվազեցնի արտադրական ծախսերը, կօպտիմալացնի գնումների գործընթացը և կհանգեցնի շահագործման ծախսերի կրճատման։ Այս քայլերի արդյունքում, ըստ ծրագրի հեղինակների, Հայաստանում դեղերի գները կարող են նվազել շուրջ 20 տոկոսով։
Նախաձեռնությունը ներառում է նաև մարզերում գյուղատնտեսական արտադրանքի պատրաստման կայանների ստեղծում, ինչը կթեթևացնի գյուղացիների բերքահավաքի հետ կապված խնդիրները և կապահովի նրանց անհրաժեշտ պարարտանյութերով։ Բացի այդ, մշակվել է երիտասարդ և բազմանդամ ընտանիքների բնակարանային ապահովման ներդրումային ծրագիր, որը նախատեսում է կառուցապատող ընկերությունների մասնակցություն։ Պետության կողմից անվճար հողատարածքների, ինչպես նաև էլեկտրաէներգիայի, ջրի և գազի տրամադրման դիմաց կառուցապատողները պարտավորվում են առաջարկել մատչելի բնակարաններ նշված ընտանիքներին։
Հարություն Մնացականյանի համոզմամբ՝ ծրագիրը լիովին իրագործելի է և հաշվարկված է հինգ տարվա համար։ Նրա վստահեցմամբ՝ արդեն հաջորդ տարում երկրի բնակչությունը կզգա շոշափելի դրական փոփոխություններ, եթե ծրագիրը սկսի փուլ առ փուլ իրականացվել։
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
