Թուրքիան փորձում է ՀՀ բնակչության համբերությունը
Թուրքիայի ԱԳ նախարարի՝ Նիկոլ Փաշինյանի վերաբերյալ հայտարարությունը, ինչպես և սպասվում էր, բուռն քննարկումների տեղիք է տվել քաղաքական շրջանակներում։ «Ցանկանում ենք, որ Ադրբեջանի և Հայաստանի միջև արդեն նախաստորագրված համաձայնագիրը վերջնականապես ստորագրվի և, հետևաբար, Թուրքիա-Հայաստան հարաբերությունների կարգավորումը հնարավորինս շուտ իրականացվի, որպեսզի մենք կարողանանք շարունակել մեր ճանապարհը տարածաշրջանում՝ կայունությամբ և բարգավաճմամբ։ Այժմ այս քաղաքական կամքը գոյություն ունի Ադրբեջանի, Հայաստանի և Թուրքիայի քաղաքական ղեկավարության շրջանում։
Հիմա մի քանի բան է մնացել, որ Հայաստանը պետք է անի։ Ինչպես գիտեք, գալիք հունիսի սկզբին Հայաստանում ընտրություններ են, դա նույնպես կարևոր փուլ կլինի։ Այնուամենայնիվ, մենք տեսնում ենք, որ հարցումներով պարոն Փաշինյանն այժմ առաջատար է։ Մենք իսկապես աջակցում ենք այն կառուցողական դերակատարությանը, որը նա ունի այս հարցում։ Այս գիծը, այս վճռականությունը պետք է շարունակվի», — հայտարարել է Թուրքիայի ԱԳ նախարարը։ Ընդդիմությունն արդարացիորեն գործող իշխանություններին մեղադրում է Թուրքիայի թելը թելերում լինելու մեջ, նաև պնդում, որ արտաքին դերակատարները փորձում են միջամտել Հայաստանի ներքին գործերին։
Փաշինյանական իշխանությունն էլ փորձում է խուսափել այս մեղադրանքներից՝ հայտարարելով, թե Թուրքիայի արտգործնախարարը ընդամենը արձանագրումներ է արել, և որևէ միջամտություն Հայաստանի ներքին գործերին չկա։ Բայց փաստն այն է, որ թուրքական իշխանությունները արդեն իսկ բացեիբաց միջամտում են Հայաստանի ներքին գործերին, ընդ որում՝ կարելի է սա համարել որպես փորձ, որը, եթե հաջողությամբ պսակվի, ապա Հայաստանի ներքաղաքական իրավիճակին միջամտելու դեպքերը շատ ավելի մեծ ծավալներ կստանան։
Ի վերջո, Հայաստանի հակառակորդները առաջին հերթին փորձում են պարզել հայ ժողովրդի դիմադրողականության աստիճանը, հասկանալ, թե մինչև որտեղ կարող են ճնշումներ բանեցնել։ Ըստ էության, Թուրքիայի արտգործնախարարի այս հայտարարությունը, հատկապես նման քաղաքական պայմաններում, սրա մեկ դրսևորում է։ Ֆիդանը և Թուրքիայի իշխանություններն իրենք էլ փորձում են հասկանալ, թե որն է հայ ժողովրդի եռման կետը և մինչև ուր կարող են միջամտել Հայաստանի գործերին։
Արփինե Վրացյան
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
