Հացի և ալյուրի արտադրության ծավալները նվազել են. «Փաստ»

«Փաստ» օրաթերթը գրում է.

Հայաստանում 2017 թվականի հունվար–սեպտեմբեր ամիսներին արտադրվել է 204,4 հազար տոննա հաց: Այս մասին տեղեկանում ենք Ազգային վիճակագրական ծառայությունից: Արտադրության ծավալները նախորդ տարվա նույն ժամանակահատվածի համեմատ 2,6%–ով նվազել է: 2016 թվականին արտադրվել է 209,5 հազար տոննա:

Ալյուրի արտադրության ծավալները նույնպես կրճատվել են: Սեպտեմբեր ամսվա դրությամբ պակասել է ալյուրի արտադրությունը` կազմելով 120,7 հազար տոննա: Նախորդ տարվա ինն ամիսների ընթացքում արտադրվել է 121,7 հազար տոննա ալյուր:

Ըստ ԱՎԾ–ի՝ հանրապետությունում 1 կգ բարձր տեսակի հացի մանրածախ միջին գինը կազմում է 439,6 դրամ, լավաշինը՝ 740,5: Մեկ կգ ալյուրի մանրածախ միջին գինն էլ կազմում է 394,8 դրամ:

Մինչդեռ ավելացել են հրուշակեղենի և մակարոնեղենի արտադրությունը:

Ընթացիկ տարում 18,8%–ով ավելացել են հրուշակեղենի արտադրության ծավալները՝ կազմելով 13078,7 տոննա, իսկ նախորդ տարի՝ 11008,8:

2016 թվականի 2254,3 հազար տոննայի դիմաց արտադրվել է 2466,7 հազար տոննա մակարոնեղեն:

Շարունակությունը՝ «Փաստ» օրաթերթի այսօրվա համարում