Պոչամբարի տարողունակությունը կավելացվի՞. բնակիչները բողոքի դուրս կգան. «Փաստ»
«Փաստ» օրաթերթը գրում է.
Ախթալայի լեռնահարստացուցիչ կոմբինատին պատկանող «Նահատակ» պոչամբարը գլխացավանք է դարձել Ախթալա խոշորացված համայնքի կազմում գտնվող Մեծ Այրում բնակավայրի բնակիչների համար: Պոչամբարն օր օրի մեծանում է, դառնում ավելի ու ավելի վտանգավոր:
Մեծ Այրումի բնակիչ, «Համայնքային համախմբման և աջակցման կենտրոն» ՀԿ նախագահ Օլեգ Դուլգարյանը «Փաստ» օրաթերթի թղթակցի հետ զրույցում ասաց, որ համայնքի նորընտիր ղեկավարության ուշադրությունը հրավիրում է այս խնդրին:
Պոչամբարը կառուցված է անմիջապես գյուղի հողամասերի և տների հարևանությամբ: Նա նշեց, որ պոչամբարը ոչ միայն վնասում է շրջակա միջավայրը, այլ եղել են նախադեպեր, երբ գյուղացիների անասուններն ընկել են պոչամբարը և սատկել: Աղտոտվել և պոչանքով են լցվել շրջակա աղբյուրները: Պոչամբարը գտնվում է երկու Մեծ Այրում և Ճոճկան համայնքները կապող, ամենացածր բացարձակ նիշ ունեցող միջհամայնքային ավտոճանապարհի եզրին, որի գրունտը արդեն լվացվում է այդ ջրով: Համայնքի խմելու ջրի մեծ խողովակը հայտնվել է այդտեղ:
«Սոսկալի և տխուր իրավիճակ է: Այս ամենը ՏԻՄ–ի և բնապահպանության նախարարության խայտառակությունն է, նրանց անգործության արդյունքը»,– շեշտեց Դուլգարյանը:
«Նահատակից» կրած վնասների չափն այսքանով չի սահմանափակվում: Պոչամբարում պարունակվող թունավոր նյութերից նաև գյուղացիների առողջությունն է քայքայվում: Օլեգ Դուլգարյանն այդ ամենը սեփական մաշկի վրա է զգացել:
«Երբ շատ մոտ եմ կանգնած լինում պոչամբարին, շնչառությունս դժվարանում է, շատերի մոտ է այդպես: Մարդիկ գլխացավերից են բողոքում: Մարդկանց ճակատի շրջանում ծակոցներ են սկսվում»,– ներկայացրեց մեր զրուցակիցը:
Վերջին տարիների ընթացքում պոչամբարը մի քանի անգամ ամրացվել է՝ ավելացել է տարողությունը:
Այսօր համայնքում լուրեր են պտտվում, որ կրկին «Նահատակ» պոչամբարի պատվարի ամրացումներ են սպասվում, որպեսզի տարողունակությունն ավելացնեն: Ախթալայի կոմբինատին պատկանող երեք պոչամբարներն այս տարածաշրջանում ունեն ռեկուլտիվացիայի խնդիր: Այս պոչամբարը 5 տարուց ավելի է օգտագործվում, բայց Օլեգ Դուլգարյանի խոսքով, ոչ մի անվտանգության նորմ այստեղ չի նախատեսվել: Արդյունքում բազմաթիվ խախտումներ են եղել:
«Մենք պետք է պայքարենք, որովհետև դա վտանգում է մի ամբողջ գյուղի կյանք: Պետք է փակվի և ռեկուլտիվացվի պոչամբարը»,– պնդեց նա:
Պոչանքը հոսելով իջնում է ներքև և թափվում Դեբեդ գետը: Իսկ այդ պոչանքներում առկա են այնպիսի ծանր մետաղներ, ինչպիսիք են պղինձը, ցինկը, թորիումը:
Գյուղացիները երկար ժամանակ պայքարել են՝ պահանջելով փակել պոչամբարը:
Պատկան մարմինների ղեկավարներին նրա ուղղված բազմաթիվ նամակներն անպատասխան են մնացել: Այսօր «Համայնքային համախմբման և աջակցման կենտրոն» ՀԿ նախագահը կրկին հիշեցնում է՝ Ախթալայի ղեկավարության թիվ մեկ խնդիրը պետք է լինի «Նահատակ» պոչամբարի ռեկուլտիվացիայի և փակման հարցը:
Նրա խոսքով՝ նորընտիր ավագանին իր հերթին չպետք է սոսկ ձեռք բարձրացնող և ստորագրող լինի, այլ որոշումներ կայացնի հօգուտ համայնքների:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
