1-ին տիպի շաքարախտը սկսվում է ենթաստամոքսային գեղձի փոքր B բջիջների մահով․ Diabetes
Ֆլորիդայի համալսարանի գիտնականները նշել են առաջին տիպի շաքարախտի ամենավաղ նշանը՝ ենթաստամոքսային գեղձի ինսուլին արտադրող մանր բջիջների մահը։ Հետազոտության արդյունքները ներկայացված են Diabetes ամսագրում։
Գիտնականները պարզել են, որ իմունային համակարգն ի սկզբանե հարձակվում է ոչ թե Լանգերհանսի խոշոր կղզյակների, այլ ենթաստամոքսային գեղձի հյուսվածքում ցրված մեկուսի բետա-բջիջների և մանր խմբերի վրա։ Սա տեղի է ունենում դեռևս մինչև որևէ ախտանիշի ի հայտ գալը, այն ժամանակից շատ առաջ, երբ վնասվում են ինսուլինի հիմնական արտադրության համար պատասխանատու մեծ կղզյակները։
Բջիջների քայքայման այս կարգը բացատրում է, թե ինչու է շաքարախտը երեխաների մոտ ավելի արագ զարգանում. նրանց ենթաստամոքսային գեղձը զգալիորեն ավելի շատ մանր կղզյակներ է պարունակում, որոնք առաջինն են հայտնվում իմունիտետի հարվածի տակ։ Հետազոտողների կարծիքով, եթե հնարավոր լինի ֆիքսել հենց այս վաղ փուլը և պաշտպանել խոշոր կղզյակները, ապա հնարավոր կլինի դանդաղեցնել կամ պոտենցիալ կանխել հիվանդության զարգացումը։
Գիտնականները հիշեցրել են, որ առաջին տիպի շաքարախտի դեպքում օրգանիզմն ամբողջությամբ զրկվում է ինսուլին արտադրելու հնարավորությունից՝ իմունային համակարգը սխալմամբ ոչնչացնում է բետա-բջիջները։ Այս պաթոլոգիան կապված չէ սխալ սննդակարգի հետ։ Երկրորդ տիպի շաքարախտի դեպքում բջիջներն ի սկզբանե պահպանվում են, սակայն մարմնի հյուսվածքները դադարում են նորմալ արձագանքել ինսուլինին, ինչի պատճառով այն անբավարար է դառնում։ Հիվանդությունը ձևավորվում է աստիճանաբար և սովորաբար առաջանում է նյութափոխանակության խանգարումների պատճառով։
Հետազոտությունը կատարվել է միջազգային nPOD կենսաբազայի նյութերով, որտեղ հավաքված են շաքարախտի տարբեր փուլեր ունեցող մարդկանց ենթաստամոքսային գեղձի հյուսվածքները։ Ստացված տվյալներն առաջարկում են հիվանդության սկզբնավորման նոր մոդել և ճանապարհ են բացում դեպի ավելի վաղ ախտորոշում, ինչպես նաև կանխարգելիչ միջամտությունների մշակում։
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
