Վարդան Հարությունյան. «Դեռ չենք ազատվել խորհրդային բեռից». «Փաստ»
«Փաստ» օրաթերթը գրում է.
Հոկտեմբերի 30–ը ԽՍՀՄ քաղբանտարկյալի օրն էր: Ի ՞նչ հետևություններ արեց նորանկախ պետությունը, արժևորե՞ց, իմաստավորե՞ց, թե...
Իրավապաշտպան, հրապարակախոս, ԽՍՀՄ տարիների քաղբանտարկյալ Վարդան Հարությունյանը բազմակետերի իր պատասխանն ունի:
«Նորանկախ այս պետությունն ընդհանրապես չի էլ փորձում արժևորել խորհրդային անցյալը: Չի արժևորում նաև Հայաստանի կայացման համար մղված պայքարը, խորհրդային տարիների քաղբանտարկյալների գործն ու ընդհանրապես այլախոհությունը ԽՍՀՄ–ում: Այս իշխանություններին չի հետաքրքրում, չի հետաքրքրել և չի էլ հետաքրքրի նշվածը, որովհետև որպես կանոն իրենց հետաքրքրում են հենց իրենք: Նույնիսկ սեփական շրջապատն իրենց չի հետաքրքրում: Նրանք իրենց բարեկեցությամբ և իրենց իշխանության բարօրությամբ են զբաղված: Այս պարագայում ակնկալելը, թե կարող էին պատմությունն ուսումնասիրել, գնահատել կամ վերաարժևորել, միամիտ կլիներ»–«Փաստ»–ի հետ զրույցում ասաց Վարդան Հարությունյանը:
Իրավապաշտպանի դիտարկմամբ` խորհրդային անցյալի էջը դեռ պետք է ուսումնասիրվի:
«Ես տարբեր առիթներով ասել եմ, որ մեր քաղաքացին շատ լավ գիտի թե՛ միջնադարյան և թե՛ հին աշխարհի պատմությունը: Բայց մարդիկ շատ վատ գիտեն խորհրդային ժամանակների պատմությունը: Այդ պատմությունը դեռ պետք է ուսումնասիրվի, վերաարժևորվի: Այդ ժամանակների հերոսներն ու հակահերոսները դեռ պետք է վերագնահատվեն` ամեն ինչ առջևում է: Ուղղակի այսօր ժամանակը չէ: Կամ էլ պարզապես երկրում ստեղծվել է մի իրավիճակ, որը հնարավորություն չի տալիս զբաղվելու այդ հետաքրքիր գործով»,–նկատեց Վարդան Հարությունյանը:
Վերջինս ընդգծեց` մի կարևոր հանգամանք էլ կա:
«Ամենագլխավոր հանգամանքն այն է, որ խորհրդային իրականությունը անցել է պատմության գիրկը, չկա Խորհրդային Միությունը, բայց խորհրդային մտածողությունն ու մտածելակերպը շարունակում է սողոսկել մեր իրականություն և շարունակում է ապրել այդ իրականության մեջ: Այսօրվա իշխանավարման մեթոդները, քաղաքական դաշտում առկա փոխհարաբերությունները շատ են հիշեցնում խորհրդային շրջանն ու այդ շրջանի հարաբերություններն ու մտածողությունը: Մենք դեռ չենք կարողացել ազատվել խորհրդային բեռից: 21–րդ դարի այս օրերում մենք մեր ուսերին կրում ենք այդ բեռը: Այդ հանգամանքն այն կարևոր պատճառներից մեկն է, որ չենք կարողանում մեծ քայլեր անել դեպի ապագա»,– եզրափակեց Վարդան Հարությունյանը:
Շարունակությունը՝ «Փաստ» օրաթերթի այսօրվա համարում
The Power of One Dram and the Armenian State Symphony Orchestra Conclude the Forest Project Launched...
From Financial Adventures to Great Victories: The 4th Junius Financial Online Tournament Wrapped Up
Converse Bank Completes the Placement of EBRD Bonds
Polytechnic University Graduation Ceremony Held with the Support of Unibank
Idram is the general partner of the "Towards Conscious Parenting 2026" annual conference
A little corner of France in Hrazdan, with the partnership of Converse SME
IDBank warns of scam calls impersonating pension funds
Become a Unibank shareholder and benefit from an attractive investment opportunity
My Forest Armenia is a beneficiary of the "Power of One Dram" initiative in July
