Պաշտպանության նախկին նախարարն զգուշացնում է՝ մենք էլ գալիս ենք հեղափոխություն անենք, բայց Նիկոլ Փաշինյանին փոխելու համար. «Փաստ»
«Փաստ» օրաթերթը գրում է.
Երբ լսում ես այդ մարդուն՝ առանց հոգու, առանց հավատքի, պարզապես անգիր արած խոսքերով փորձում է ներկայանալ ժողովրդի առաջ, քեզ մի բան է մնում՝ նայես այդ մարդու դեմքին ու հասկանաս՝ այդ աչքերի հետևում մարդ չկա։ Սատանան էլ անգիր գիտի Աստվածաշունչը։ Բայց դա չի դարձնում նրան Աստծո ծառա։ Նման կարծիք է հայտնում ՀՀ պաշտպանության նախկին նախարար, «Համահայկական ճակատ» շարժման ղեկավար Արշակ Կարապետյանն՝ անդրադառնալով Նիկոլ Փաշինյանին ու նրա՝ Հայ առաքելական եկեղեցու դեմ սանձազերծած պատերազմին, ու հավելում, որ այսօր մեր աչքի առաջ փորձում են պղծել ամենաարժեքավորը՝ մեր հավատը, մեր եկեղեցին։
Նրա կարծիքով, այսօրվա իշխանությունները վաղուց են անցել բոլոր կարմիր գծերը. «Ոչ միայն անցել են, այլև այդ գծերը վաղուց ջնջել են իրենց քարտեզներից։ Եթե ասում ես՝ քաղաքացի եմ, գնում եմ արձակուրդ, ո՞ւր ես գնում՝ Էջմիածինը գրավելո՞ւ։ Այսինքն, մենք էլ ենք քաղաքացի, գանք քո նստավայրը գրավե՞նք։ Այսքան ինքնավստահ ու ցինիկ հնարավո՞ր է լինել»:
Կարապետյանը նաև անդրադառնում է, այսպես կոչված, «Զանգեզուրի միջանցքի» թեմային: «Եթե դու տվել ես այդ միջանցքը, մենք աչք չենք հասցնի թարթել, Ադրբեջանը արդեն այնտեղ կլինի՝ դիրքավորված։ Հետո էլ կասեք՝ իբր համաձայնեցված էր, վերահսկվող էր։ Դա ո՞նց եղավ, որ առանց որևէ բախման զիջվեց։ Եվ հետո՝ մենք տեսանք, թե ինչ եղավ մարտի 1-ին, երբ այդ մարդը մեքենաներ էր վառում, խանութներ թալանում։ Հիմա ի՞նչ իրավունքով է նա խոսում խաղաղությունից»,-ասում է մեր զրուցակիցը։
Ինչ վերաբերում է Եկեղեցու շուրջ ստեղծված իրավիճակին, ապա, գեներալմայորի խոսքերով, բոլորս պիտի պաշտպանենք Եկեղեցին. « Ասում է՝ քաղաքացի եմ, գնում եմ Կաթողիկոս փոխեմ։ Ա՛յ քեզ բան։ Թող մի հատ էլ տեսնենք՝ Հայաստանում քանի սատանիստ կա, քանի զոմբի կա։ Հասկանալի է, որ հասել ենք մի կետի, որտեղ էլ վերապահում լինել չի կարող։ Ոչ մի քայլ հետ՝ սա է զինվորականի դիրքորոշումը։ Մեր Եկեղեցին հայության սուրբ խորհրդանիշն է։ Ու մենք պիտի պաշտպանենք նրան։ Իսկ եթե ինքը ասում է՝ 2018-ին հեղափոխություն արեցի, հիմա էլ գնում եմ հեղափոխություն անեմ Եկեղեցում, մենք էլ ասում ենք՝ մենք էլ ենք գալիս հեղափոխություն անենք, բայց արդեն քեզ փոխելու համար»։
Իսկ ի՞նչ է պետք դրա համար: «Դիմադրություն։ Կազմակերպված, վճռական դիմադրություն։ Մենք՝ զինվորականներս, չենք վախենում դատվելուց։ Ես անձամբ չեմ գալիս Հայաստան նրա օրակարգն իրականացնելու։ Ես գալիս եմ պաշտպանելու մեր ազգային արժանապատվությունը։ Եվ եթե պետք լինի, կգնամ ու կխփեմ ոչ թե մարդկանց, այլ այդ թունավոր գաղափարներին։ Մենք չենք փախչելու, չենք լռելու, չենք նահանջելու։ Ոչ մի քայլ հետ»,-ամփոփում է պաշտպանության նախկին նախարարը։
Մանրամասները՝ «Փաստ» օրաթերթի այսօրվա համարում
Ucom General Director Ralph Yirikian Participated in the Impacture 2026 Conference
IDBank Presented It’s Vision for Social Responsibility at Impacture 2026
Unibank will not increase fixed-adjustable interest rates on loans secured by real estate
With IDBank’s Support, Ian Gillan and Tony Iommi Awards Established at Gyumri Music School No. 6
Ucom and staff.am Bring Together Armenia’s Business Leaders at Executive Offsite Vol.1
Ameriabank and ADB Signed a $100 Million Agreement to Expand Micro, Small, and Medium-Sized Enterpri...
“We are switching you to 5G, type a command”: IDBank warns about a fraud disguised as a “network upd...
Unibank Issues Perpetual Bonds with a 13.25% Annual Yield for Shareholders
An unforgettable day instead of toys: June 1st guide from Idram&IDBank
On May 30, "Unisport" will compete for the title of the Armenian champion
