«Մարդիկ արժանի չեն տեսնելու և գնահատելու գեղեցիկը». Անելյա Գուբրյանը՝ կիսամերկ ֆոտոշարքից հետո տարածված ագրեսիայի, ծնողների ու սիրելիի վերաբերմունքի և իրեն ավելորդություն թույլ չտալու մասին

Դերասանուհի Անելյա Գուբրյանը նոր ֆոտոշարք էր իրականացրել, որտեղ մինչև գոտկատեղն առանց հագուստի էր և ձեռքերով փակել էր կուրծքը: Լուսանկարները հրապարակելուց կարճ ժամանակ անց, սակայն, նա հեռացրել է դրանք։

Tert.am Life-ի հետ զրույցում Անելյան պատմել է համագործակցության, բացասական մեկնաբանությունների, լուսանկարներն իր էջից հեռացնելու, ծնողների և սիրելիի վերաբերմունքի մասին: Անելյան միայն մեկ լուսանկար տրամադրեց ֆոտոշարքից։

«Մոդելային պրոֆեսիոնալ կարիերաս սկսել եմ 15 տարեկանից և հենց այդ ժամանակից ծանոթացել եմ մոդելների, լուսանկարիչների հետ: Ծանոթացա նաև Արվին Քոչարյանի աշխատանքներին, տեսա, թե որքան գրագետ ու նուրբ է լուսանկարում, համաշխարհային մասշտաբով ճանաչված է իր ոլորտում: Միշտ ցանկացել եմ, որ նա ինձ ևս լուսանկարի, այս տարի, վերջապես, ստացվեց մեր համագործակցությունը»,- ասաց նա, ապա անդրադարձավ լուսանկարները հեռացնելուն։
Նրա խոսքով՝ հրապարակելուց հետո ագրեսիա է նկատել: «Շատ մեծ ցավով ևս մեկ անգամ համոզվեցի, որ հայ հասարակությունն ընդունակ չէ տարբերել էսթետիկը վուլգարից: Օտարազգիների դեպքում մարդիկ հիանում են, իսկ իրենցը վատաբանում, ես յուրաքանչյուր ոլորտում դեմ եմ չարախոսությանը և չեմ հանդուրժում ոչ մի չարախոսություն, իմ էջում և իմ հանդեպ ևս չեմ հանդուրժի: Լուսանկարների հրապարակումից հետո մարդիկ սկսեցին իրենց ոչ ճիշտ պահել: Մեծ ագրեսիա նկատեցի, այդ պատճառով էլ հեռացրի լուսանկարները, մարդիկ արժանի չեն տեսնելու և գնահատելու գեղեցիկը: Լուսանկարները նուրբ են, էսթետիկ, աշխատել եմ ոլորտի լավագույններից մեկի հետ, առաջին հերթին լուսանկարիչը թույլ չէր տա, որ իր աշխատանքը տգեղ լիներ կամ այլ կերպ հասկացվեր: Ինքս էլ այնպիսի մարդ եմ, որ վուլգար ոչինչ թույլ չեմ տա ինձ: Բաց լուսանկարներ չեմ արել, որ ինչ-որ մեկին ինչ-որ բան ապացուցեմ, դա արել եմ մաքսիմալ էսթետիկ ու նուրբ ձևով: Եվրոպայից, Ռուսաստանից, Վրաստանից մոդելային ասպարեզում գտնվող ծանոթներ ունեմ, ովքեր հիացած էին այդ աշխատանքով»,- ասաց նա:  
Դերասանուհին հավատացնում է, որ վատ մեկնաբանություններից չի նեղսրտում, ուղղակի ընդհանուր ագրեսիա է նկատել: «Ինստագրամում երևում է, թե քանի հոգի են այն ուղարկել միմյանց, նոր լուսանկարները շատ մարդիկ էին ուղարկել իրար: Դա հաստատ չէին արել ասելու համար, որ գեղեցիկ ֆոտոշարք է, կոնկրետ քննարկումներ ու քննադատություններ են եղել: Չեմ վախենում, որ ինձ կարող են քննադատել, ուղղակի այստեղ կոնկրետ ագրեսիա կար: Ինձ թվում էր, որ հասարակությունը մի փոքր հանդարտվել է, բայց չարությունն ավելացել է: Եթե այսպիսի լուսանկարներ տեղադրեր ֆրանսիացի դերասանուհի կամ ֆրանսիաբնակ հայուհի, մարդիկ կգովաբանեին: Նեղսրտել եմ միայն, որ ֆոտոշարքը չհասկացվեց, չհասկացան, որ իմ մարդ տեսակը լուսանկարով չի փոխվում, իսկ մարդ տեսակն իմանալ չեն կարող առանց ինձ ճանաչելու»,- ասաց դերասանուհին:

Ըստ Անելյայի՝ ֆոտոշարքն իր համար համարձակ էր այնքանով, որ հասկացել է՝ իր կարիերայում հասել է մի կետի, երբ կարող է աշխատել նման լուսանկարչի հետ, իրեն նման բան թույլ տալ:

Ավելին․․․