ՊԵԿ–ը փորձում է մաքրել «ավգյան ախոռները». «Փաստ»
«Փաստ» օրաթերթը գրում է.
Պետական եկամուտների կոմիտեն անցյալ տարվա սեպտեմբերից թեև աշխատում է արտակարգ ռեժիմով, սակայն դեռևս չի կարելի ասել, որ համակարգում առկա բոլոր հարցերն այլևս լուծված են: Այս բազմավեկտոր համակարգում նախկինից կուտակված խնդիրներն այնքան շատ են, որ դեռևս երկար ժամանակ հարկավոր կլինի ծախսել «ավգյան ախոռները» մաքրելու համար:
Ու թեև նախորդ տարեվերջին ՊԵԿ–ին հաջողվել է օրինախախտներից 787 մլն դրամից ավելի գումար «պոկել» ու բյուջե ուղղել, սակայն իրականում պետությանը պատճառած վնասի բավականին համեստ մասն է նրանց հաջողվում վերականգնել:
Եվ տպավորությունն այնպիսին է, որ թեև վարչական վարույթներ կազմելու և տուգանքներ նշանակելու քանակի խնդիր առանձնապես չկա, սակայն վնասի մեծ մասն իրականում հնարավոր չէ վերականգնել, քանի որ մինչ ՊԵԿ–ը կսկսեր վարչական վարույթներ կազմել ու նրանց հետքերով գնալ, ընկերությունների մեծ մասը կա՛մ լուծարված են, կա՛մ հասցրել են սնանկ ճանաչվել և «պլստալ» պարտավորությունները կատարելուց:
Այդպես էր «Էյր Արմենիայի», «Անդրե Րենթեր», «Տեղական» ՍՊԸ–ների և այլոց դեպքում: Սակայն հետաքրքիրն այն է, որ բացահայտված բոլոր խախտումները, որոնց մասին հասարակությունը տեղեկանում է, վերաբերում են 2014–2016 թվականներին, որոնք թվում էր թե պետք է բացահայտված լինեին դեռ ՊԵԿ նախորդ ղեկավարի ժամանակներից:
Օրերս էլ ՀՔԾ–ում է ավարտվել ՊԵԿ պաշտոնատար անձանց կողմից պաշտոնեական լիազորությունները չարաշահելու վերաբերյալ քրեական գործի նախաքննությունը: Բացահայտվել են կատարված հանցագործության բոլոր հանգամանքները և արդյունքում 3 անձի, այդ թվում` երկու գլխավոր հարկային տեսուչի, մեղադրանք է առաջադրվել պաշտոնեական դիրքը չարաշահելու և կաշառք ստանալու համար: Բացի այդ, պարզվել է, որ հարկային տեսուչները, երկար տարիներ աշխատելով համակարգում, միայն այս տնտեսվարողների մասով օգնել են շուրջ 4 մլն ՀՀ դրամի չափով պակաս հաշվարկել հարկերը:
Ի դեպ, այս գործը նույնպես բացահայտվել է անցյալ տարվա սեպտեմբերին, իսկ թե քանի տարվա վաղեմություն ունի գլխավոր հարկային տեսուչ–«Գոլհիլ» և «Օհանտրանս» ՍՊԸ–ներ կապը և այդ կապից որքան գումարի վնաս է կրել բյուջեն՝ հայտնի չէ:
Նշված երկու ընկերությունների գտնվելու վայրի մասին որևէ տեղեկություն գտնել նույնպես հնարավոր չէ, քանի որ հավանաբար դրանք «ծնվել» և «գործել» են որպես այս կամ այն ընկերության արբանյակներ: Եվ այս պայմաններում դժվար է պատկերացնել, թե նրանց կատարած գործունեության արդյունքում պետական վնասը ինչպես պետք է վերականգնվի:
Ստացվում է, որ ներկայում համակարգն ավելի շատ ռեսուրս և ժամանակ է ծախսում անցյալի կուտակված «աղբը» մաքրելով, քան հետագայում դրանք բացառելուն միտված քայլեր ձեռնարկելով:
Եվ այս պայմաններում, դեռևս չի կարելի ասել, որ բոլոր օրինախախտները հայտնաբերված և տուգանված են: Ձեռնարկատիրական գործունեություն ծավալողներն այսօր էլ շարունակում են պետությանը խոշոր չափի վնաս պատճառել, բոլոր հնարավոր ու անհնարին ձևերով շրջանցել հարկային ու մաքսային խոչընդոտները: Բայց սա էլ մի կողմ, հասարակությունը շունչը պահած սպասում է ավելի աղմկահարույց բացահայտումների, որոնք կգաղտնազերծեն, թե ինչպես են աշխատել համակարգի նախկին ղեկավարները և նրանց գործունեության հետևանքով բյուջեն քանի տարի ինչքան վնաս է կրել:
Շարունակությունը` «Փաստ» օրաթերթի այսօրվա համարում:
Ucom General Director Ralph Yirikian Participated in the Impacture 2026 Conference
IDBank Presented It’s Vision for Social Responsibility at Impacture 2026
Unibank will not increase fixed-adjustable interest rates on loans secured by real estate
With IDBank’s Support, Ian Gillan and Tony Iommi Awards Established at Gyumri Music School No. 6
Ucom and staff.am Bring Together Armenia’s Business Leaders at Executive Offsite Vol.1
Ameriabank and ADB Signed a $100 Million Agreement to Expand Micro, Small, and Medium-Sized Enterpri...
“We are switching you to 5G, type a command”: IDBank warns about a fraud disguised as a “network upd...
Unibank Issues Perpetual Bonds with a 13.25% Annual Yield for Shareholders
An unforgettable day instead of toys: June 1st guide from Idram&IDBank
On May 30, "Unisport" will compete for the title of the Armenian champion
