Էլմոն Եղնուկյան. «Երկու շաբաթ առաջ կարծում էինք, թե հայրիկը դատվելու է ու 10 տարի նստի». «Փաստ»
«Փաստ» օրաթերթը գրում է.
«Փաստ»–ի հետ զրույցում Կարո Եղնուկյանի դուստրը՝ Էլմոն Եղնուկյանը, նշեց, որ շուրջ մեկ ամիս առանց հիմնավորումների հետաձգում են իր հայրիկի գործի դատական նիստերը:
Երեկ, երբ անմիջապես դատարանի դահլիճից ազատ արձակվեց քաղբանտարկյալ Անդրիաս Ղուկասյանը, շատերի համար արդեն հասկանալի էր, որ գլխավոր պատճառը երկրում տեղի ունեցող քաղաքական իրադարձություններն են: Դրանում կասկած լինել չէր կարող: Մոտ երկու տարի ձգվող դատավարության ընթացքում ոչ մի էական առաջընթաց չէր եղել, իսկ երեկ դատարանը ընդունեց Ղուկասյանի խափանման միջոցը փոխելու մասին միջնորդությունը:
Էլմոն Եղնուկյանի համար, ում հայրն այսօր նույնպես քաղբանտարկյալի կարգավիճակում է, սա շատ ուրախալի լուր էր, հաշվի առնելով երկրում ու քաղաքական դաշտում տեղի ունեցած փոփոխությունները, ժողովրդական զարթոնքը: Նա ասում է, որ հույս կա ոչ միայն կոնկրետ իր հայրիկի գործի վերաբերյալ, այլ նաև երկրի վիճակի բարելավման առումով: Կա նախկինում չեղած վստահությունն առ այն, որ ամեն ինչ լավ է լինելու:
«Երեկվա դեպքը շատ ուրախալի լուր էր, պատմական իրադարձություն, որովհետև նոր Հայաստանում առաջին անգամ քաղբանտարկյալի ազատ արձակումը շատ մեծ հնչեղություն ունեցող դեպք է: Բայց ես այդքան էլ օպտիմիստ չեմ այդ առումով: Դե, կարող է այս մի բանը արեցին, որպեսզի ձայններս կտրենք»,– նկատեց նա:
Ինչպես Էլմոնն է նշում, շատերը «Սասնա ծռերի» մասին ասում են` նրանք զենք են վերցրել, քաղբանտարկյալ չեն կարող համարվել: Չնայած դա իրականությանը չի համապատասխանում: Սա նա ասում է ԵԽԽՎ–ի չափանիշների համաձայն:
«Քանի որ հայրիկի գործը կցված է «Սասնա ծռերի» գործին, մի փոքր բարդ է առանձնացնել այդ գործերը: Մենք միջնորդություն ներկայացրել էինք՝ հիմնավորելով, որ այդ մեծ գործի մեջ Եղնուկյանին մի քանի էջն է վերաբերվում: Սակայն այդ միջնորդությունը մերժվեց:
Ուղղակի այստեղ շատ հարցեր կան՝ կառանձնանցե՞ն հայրիկի գործը «Սասնա ծռերի» գործից, նորմալ կքննե՞ն միջնորդությունները, թե՝ ոչ: Հույսը մի փոքր ավելացել է, բայց քանի որ նա «Սասնա ծռերի» գործի հետ կցված է որպես օժանդակող, մի փոքր բարդացնում է իրավիճակը: Վերջիվերջո ոստիկաններ են սպանվել: Պետք է պարզաբանվի ողջ իրողությունը, որը մի փոքր ավելի երկար գործընթաց է:
Հուսով ենք, որ կկարողանանք կրկին միջնորդություն ներկայացնել գործը առանձին քննելու վերաբերյալ կամ խափանման միջոցը փոխելու մասին: Հայրիկը փախչելու մտադրություն չունի, ինչը նա բազմիցս նշել է իր հոդվածներում»,– ասաց նա:
Մեր այն դիտարկմանը, թե երեկվա դեպքից հետո, կարող ենք ասել, որ Հայաստանում այլևս վերականգնվում է արդարադատությունը, Էլմոնը պատասխանեց, թե դեռ շուտ է խոսել Հայաստանում արդարադատության վերականգնման մասին:
«Արդարադատության վերականգնումը մեկ օրվա կամ մեկ շաբաթվա գործ չէ: Այստեղ պետք է ողջ համակարգի, կադրերի փոփոխություն լինի: Շատ բարդ գործընթաց է և շատ ժամանակ է պահանջում: Ակնկալել և հույս ունենալ, որ այսօրվանից ամբողջ դատական համակարգը լիովին աշխատելու է, կարծում եմ, հեքիաթի հետևից ընկնել է, դեռ շատ հեռու ենք դրանից:
Բայց երկու շաբաթ առաջ մենք կարծում էինք, թե հայրիկը հաստատ դատվելու է և մի 10 տարի նստի: Հիմա այլևս այդպես չենք մտածում: Այդ միտքն արդեն ի չիք դարձել: Հիմա պարզապես մտածում ենք, դե լավ մեկ ամսից է բաց թողնվելու, թե երկու»,– ասաց նա:
Շարունակությունը՝ «Փաստ» օրաթերթի այսօրվա համարում
The Power of One Dram and the Armenian State Symphony Orchestra Conclude the Forest Project Launched...
From Financial Adventures to Great Victories: The 4th Junius Financial Online Tournament Wrapped Up
Converse Bank Completes the Placement of EBRD Bonds
Polytechnic University Graduation Ceremony Held with the Support of Unibank
Idram is the general partner of the "Towards Conscious Parenting 2026" annual conference
A little corner of France in Hrazdan, with the partnership of Converse SME
IDBank warns of scam calls impersonating pension funds
Become a Unibank shareholder and benefit from an attractive investment opportunity
My Forest Armenia is a beneficiary of the "Power of One Dram" initiative in July
