Լարիսա Ալավերդյան. «ՀՀ նախագահը պետք է իր խոսքը և կարծիքը հստակ ներկայացնի հասարակությանը». «Փաստ»
«Փաստ» օրաթերթը գրում է.
Եկավ նաև այն օրը, երբ տեղի ունեցավ ԱԺ–ի կողմից ՀՀ նախագահի պաշտոնում ընտրված Արմեն Սարգսյանի երդմնակալության արարողությունը: Ու չնայած խորհրդարանական կառավարման համակարգի պայմաններում ՀՀ նախագահի երդման տեքստը արմատապես տարբերվում էր կիսանախագահական կառավարման համակարգի պայմաններում ընտրված նախագահների երդմնակալության բովանդակությունից, սակայն պահը պատմական էր, որին չանդրադառնալ պարզապես հնարավոր չէր:
Եվ այսպես, նախ հիշենք, որ վերջին՝ 2013 թվականի` ՀՀ նախագահ Սերժ Սարգսյանի երդմնակալության ժամանակ նա խոստացավ անվերապահորեն կատարել ՀՀ Սահմանադրության պահանջները, հարգել մարդու և քաղաքացու իրավունքներն ու ազատությունները, ապահովել հանրապետության անկախությունը, տարածքային ամբողջականությունը և անվտանգությունը ի փառս Հայաստանի Հանրապետության և ի բարօրություն Հայաստանի Հանրապետության ժողովրդի:
ՀՀ 4–րդ նախագահ Արմեն Սարգսյանն իր երդմնակալության տեքստում ասաց.
«Ստանձնելով հանրապետության նախագահի պաշտոնը, երդվում եմ, հավատարիմ լինել Հայաստանի Հանրապետության Սահմանադրությանը և իմ լիազորություններն իրականացնելիս լինել անաչառ, առաջնորդվել միայն համապետական և համազգային շահերով: Եվ իմ ողջ ուժը ներդնել ազգային միասնության ամրապնդման գործում: Աստված ինձ օգնական»:
ՀՀ արդեն երդվյալ նախագահ Ա. Սարգսյանի արտասանած տեքստում, ինչպես ակնհայտ երևում է, առանձնապես «բարձր նոտաներ» չկան, կա միայն բարի կամք դրսևորելու մեծ ցանկություն և ազնիվ պաշտոնյա լինելու մասին խոստում, համաձայն որի նա պարտավորվեց իր ողջ ուժը ներդնել ազգային միասնության ամրապնդման գործում:
Լարիսա Ալավերդյանը, ով ՀՀ նորանկախ Հայաստանի պատմության մեջ մնաց որպես ՀՀ մարդու իրավունքների առաջին պաշտպան, «Փաստ»–ի հետ զրույցում նշեց, որ ինքը չէր մասնակցում երդմնակալության արարողությանը, քանի որ իրեն չէին հրավիրել:
«Չեմ կարծում, որ ինձ պետք է հրավիրեին»,– համեստորեն ասաց Լ. Ալավերդյանը:
Նա նաև համաձայն չէ այն մտքերի հետ, որ խորհրդարանական կառավարման անցնելիս ՀՀ նախագահի լիազորությունները սահմանափակ են:
«Ես պետք է ուսումնասիրեմ, հստակեցնեմ, թե ո՞ր պարտականություններն են, որ ՀՀ նախագահի լիազորությունների շրջանակներում են: Եվ ի տարբերություն շատ շատերի, չեմ կարծում, որ դա զուտ ձևական պաշտոն է: Ես կարծում եմ, որ այն բավականին ներկայացուցչական և կարևորագույն գործառույթներ իրականացնելու լիազորություններ ունեցող պաշտոններից մեկն է, քանի որ համարվում է երկրի գլուխը: Կան կարևորագույն խնդիրներ, որոնք կապված են ինչպես արտաքին, այնպես էլ ոչ պակաս կարևորություն ունեցող ներքին քաղաքականությանը վերաբերող հարցերին: Եվ ես կարծում եմ, որ երկրի նախագահը պետք է ակտիվ դերակատարություն ունենա այս և, ինչու ոչ, այն հարցերի կարգավորման ժամանակ, որին սպասում է հասարակությունը: ՀՀ նախագահն իմ կարծիքով նաև պետք է անպայման իր խոսքը և կարծիքը հստակ ներկայացնի հասարակությանը»,– ասաց Լ. Ալավերդյանը:
The Power of One Dram and the Armenian State Symphony Orchestra Conclude the Forest Project Launched...
From Financial Adventures to Great Victories: The 4th Junius Financial Online Tournament Wrapped Up
Converse Bank Completes the Placement of EBRD Bonds
Polytechnic University Graduation Ceremony Held with the Support of Unibank
Idram is the general partner of the "Towards Conscious Parenting 2026" annual conference
A little corner of France in Hrazdan, with the partnership of Converse SME
IDBank warns of scam calls impersonating pension funds
Become a Unibank shareholder and benefit from an attractive investment opportunity
My Forest Armenia is a beneficiary of the "Power of One Dram" initiative in July
