Ի՞նչ անել, եթե հեռախոսը ջուրն է ընկել

Երբեմն նույնիսկ մի քանի կաթիլ ջուրը կամ խոնավ մակերեսը բավական են, որ Ձեր հեռախոսը փչանա կամ սկսի վատ աշխատել: Իսկ ջուրն ընկնելու մասին արդեն ավելորդ է խոսել: Իհարկե, լավագույն տարբերակն այս դեպքում մասնագետին դիմելն է: Իսկ ի՞նչ անել, եթե այդպիսի հնարավորություն չունեք:

AdMe.ru-ն առաջարկում է 10 խրամանակություն՝ թրջված հեռախոսին առաջին օգնություն ցույց տալու համար:

1. Հեռախոսը պետք է հնարավորինս արագ հանել ջրից և անմիջապես անջատել:

Բանն այն է, որ ջուրը հեռախոսի մասերի մեջ է թափանցում հաշված վայրկյանների ընթացքում: Մի՛ միացրեք հեռախոսը, քանի դեռ չեք համոզվել, որ այն չորացել է: բացի դրանից, հեռախոսի մեջ լցված ջուրը կարող ա կարճ միացում առաջացնել:

2. Հեռախոսը ջրից հանելուց անմիջապես հետո հանեք կափարիչը և մարտկոցը:

Սա նվազեցնում է ներքին սխեմաների վնասվելու ռիսկը: Զգուշորեն մաքրեք հեռախոսն ու դրա մասերը թղթե անձեռոցիկով կամ նուրբ կտորով:

3. Հանեք սիմ-քարտը:

Այն պետք է սրբել, մի կողմ դնել և մի որոշ ժամանակ թողնել, որ չորանա, մինչև հենց հեռախոսը պատրաստ կլինի օգտագործման:

4. Անջատել և հանել բոլոր արտաքին սարքերը,

ինչպիսիք են ականջակալները, հիշողության չիպերը և այն ամենն, ինչ կարող է փակել հեռախոսի անցքերը՝ պատյանները և էկրանը պաշտպանող շերտերը:

5. Եթե ձեռքի տակ փոշեկուլ ունեք, դրանով քաշեք ջուրը:

Ջրի մնացորդները հեռացնելու համար 20 րոպեի ընթացքում փոշեկուլով քաշեք բոլոր մասերի ջուրը: Իսկ հեռախոսը փոշեկուլի մոտ պահեք բոլոր կողմերից՝ անընդհատ շրջելով այն, սակայն շատ մոտ մի՛ պահեք փոշեկուլի խողովակին, այլապես կառաջանա ստատիկ էլեկտրականություն, ինչն ավելի վատ է հեռախոսի համար:

6. Երբեք մի՛ օգտագործեք վարսահարդարիչը՝ հեռախոսը չորացնելու համար՝ նույնիսկ մեղմ ռեժիմով: Այսպես Դուք կարող եք արտաքին խոնավությունն ուղարկել հեռախոսի ավելի խորը մասերը, ինչը հատկապես վտանգավոր է էլեկտրական մասերի համար: Բացառված չէ, որ կարող եք հալել որոշ մասեր:

7. Կարող եք փորձել չորացնել հեռախոսը՝ դնելով այն չոր բրինձով լի տոպրակի մեջ՝ 2-3 օրից ոչ պակաս ժամանակով: Բրինձը լավ է կլանում խոնավությունը: Սա անելուց առաջ հեռացրեք կափարիչը, մարտկոցը և դրանք նույնպես դրեք տոպրակի մեջ: Մինչ հեռախոսը չորանում է, այն պետք է ժամանակ առ ժամանակ շրջել այն: Բրինձի փոխարեն կարող եք օգտագործել սիլիկագել, ինչը հաճախ դնում են կոշիկի կամ վաճառվող այլ ապրանքների մեջ: Այն ավելի արդյունավետ է, քան բրինձը, քանի որ ավելի լավ է ներծծում խոնավությունը:

8. Հեռախոսը դրեք արևոտ տեղում, որպեսզի բոլոր անցքերը չորանան: Կարող եք այն դնել ներծծող անձեռոցիկի կամ թղթե սրբիչի վրա, եթե նույնիսկ մինչև այդ չեք չորացրել փոշեկուլով կամ դրել բրինձի մեջ: Այն կօգնի ներծծել մնացած խոնավությունը:

9. 24 ժամը լրանալուց հետո համոզվեք, որ արտաքինից հեռախոսը չոր տեսք ունի: Եթե կարծում եք, որ այն բավականաչափ չորացել է, կարող եք փորձել մարտկոցը տեղը դնել և փորձել միացնել այն: Ուշադրություն դարձրեք հնարավոր տարօրինակ ձայներին և աղմուկին, որոնք կարող են լինել միացնելու ժամանակ: Եթե դրանք առկա են, ուրեմն հեռախոսը նորմալ չի գործում:

10. Եթե հեռախոսն արտաքինից չոր է, բայց չի միանում, կարող է մարտկոցը նստած լինել, լիցքավորման միացրեք, հետո նորից փորձեք: Եթե դա էլ չի օգնում, այնուամենայնիվ փորձեք դիմել մասնագետի:

Թարգմանությունւը՝ Past.am-ի: