Նռան մզվածքը բարձրացնում է երիտասարդության հորմոն IGF-1-ի մակարդակը. Nutrients
Մանչեսթերի քաղաքային համալսարանի (Manchester Metropolitan University) գիտնականները պարզել են, որ նռան մզվածքի ամենօրյա օգտագործումը բարձրացնում է 55-70 տարեկան մարդկանց «երիտասարդության հորմոն» IGF-1-ի մակարդակը։
Հետազոտության արդյունքները հրապարակվել են Nutrients գիտական հանդեսում:
12 շաբաթ տևած գիտափորձին մասնակցել է 72 կամավոր։ Փորձարկման ենթարկվողները բաժանվել են երկու խմբի՝ օրական մեկ պարկուճ, որը պարունակում էր 740 մգ նռան մզվածք կամ պլացեբո։
Հետազոտության ավարտին առաջին խմբի կամավորների շրջանում IGF-1-ի մակարդակի զգալի աճ է նկատվել։ Աճի ինսուլինանման գործոն 1 անունով հայտնի այդ հորմոնը կարևոր դեր է խաղում բջիջների աճի և թարմացումների կարգավորման, մկանների և ոսկորների ամրապնդման, ինչպես նաև անոթային և ուղեղի գործառույթների բարելավման գործում։ Տարիքի հետ IGF-1-ի մակարդակը սովորաբար նվազում է, ինչը կապված է ֆիզիկական ուժի կորստի, կենսունակության նվազման և տարբեր հիվանդությունների ռիսկի բարձրացման հետ։
Հետազոտությունը միաժամանակ ցույց է տվել, որ նռան մզվածքը էական ազդեցություն չի ունեցել թելոմերների երկարության վրա։ Թելոմերները քրոմոսոմների ծայրային հատվածներն են, որոնք կազմված են ԴՆԹ-ի կրկնվող նուկլեոտիդային հաջորդականություններից: Թելոմերները երբեմն անվանում են քրոմոսոմների «պաշտպանիչ թասիկներ»: Նախորդ հետազոտությունները ցույց են տվել, որ թելոմերների առողջությունն արտացոլում է բջջային ծերացման արագությունը։
Գիտնականները նշում են, որ նռան մզվածքի երիտասարդացնող ազդեցությունը հաստատելու համար անհրաժեշտ են հետագա երկարաժամկետ ուսումնասիրություններ: Հետագա փորձարկումները կօգնեն միաժամանակ բացառել մարդկանց շրջանում դրա կիրառմանն առնչվող ցանկացած հնարավոր ռիսկ:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
