ՀԷՑ-ի գործը դառնում է իշխանության խարանը․ Փաշինյանի հայտարարությունները նպաստում են Սամվել Կարապետյանի հաղթական դատավարությանը
Գործարար, բարերար Սամվել Կարապետյանի ընտանիքին պատկանող «Հայաստանի էլեկտրական ցանցեր» ընկերության ապօրինի պետականացումը շարունակում է մնալ ՀՀ գործող իշխանությունների կոկորդին, և դրա հետևանքները ծանր են լինելու երկրի համար։
Երեկ կառավարությունը փոխել է իր իրավաբանական ներկայացուցիչներին Ստոկհոլմի առևտրային պալատի արբիտրաժային ինստիտուտում ընթացող «Հայաստանի էլեկտրական ցանցեր» ընկերության սեփականատերերի հայցի գործով։ Օգոստոսի 21-ին գործադիրը 3.25 մլն դոլար էր հատկացրել՝ ԱՄՆ-ում գործող Arnold & Porter իրավաբանական ընկերության ներգրավման համար։ Սակայն ընդամենը երկու շաբաթ անց իշխանությունները հրաժարվեցին այդ ընկերության ծառայություններից՝ փոխարինելով այն Foley Hoag LLP-ով։
Կառավարությունը չի տվել ողջամիտ բացատրություն նման շրջադարձի համար։ Ըստ պաշտոնական վարկածի՝ իբր բացահայտվել են շահերի բախման հանգամանքներ, որոնք խոչընդոտում են Arnold & Porter-ի հետ գործակցությանը։ Մամուլում, սակայն, շրջանառվում են տեղեկություններ, որ ամերիկյան հեղինակավոր ընկերությունը պարզապես հրաժարվել է աշխատել Փաշինյանի թիմի հետ՝ կանխատեսելով պարտությունը։ Վերջին 60 գործերից 53-ում հաղթած ընկերությունը, հավանաբար, չի ցանկացել իր հեղինակությունը վտանգել Հայաստանի գործով։
Այս որոշման վրա կարող էր ազդել նաև Նիկոլ Փաշինյանի աղմկահարույց հայտարարությունը։ Հուլիսին արբիտրաժը որոշում էր կայացրել արգելելու «ՀԷՑ»-ի բռնագանձման քայլերը, իսկ Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանը հայտարարել էր, որ այն պարտադիր կատարման ենթակա է։ Փաշինյանը հակադարձել էր․
«Կառավարությունը ես եմ։ Չի կարող որևէ մեկը իմ դիրքորոշմանը հակասող դիրքորոշում ունենալ։ Եթե կան մարդիկ, որոնք այլ կարծիք ունեն, թող հիմա դուրս գան, եթե ոչ՝ ես ինքս կհանեմ»։
Հաջորդ իսկ օրը Դրմեյանը պաշտոնանկ արվեց, իսկ արդարադատության նախարար Սրբուհի Գալյանն էլ հայտարարեց, որ Հայաստանը չի կատարելու արբիտրաժի որոշումը։
Այս սկանդալային հայտարարությունները խիստ վնասել են Հայաստանի դիրքերին միջազգային դատարանում։ «ՀԷՑ»-ի տնօրենների խորհրդի նախագահ, Սամվել Կարապետյանի եղբորորդի Նարեկ Կարապետյանը հեգնանքով արձագանքեց․
«Մեր իրավաբանական թիմը շնորհակալություն է հայտնում Փաշինյանին։ Եվս մեկ նման հայտարարություն, և մեր հաղթանակը դառնում է անխուսափելի»։
Միջազգային փաստաբան Ռոբերտ Ամստերդամն էլ նախօրեին արձագանքեց․
«Պարոն Փաշինյանի հիստերիկ հայտարարությունը՝ «Կառավարությունը ես եմ», ասում է ամեն ինչ այս «ժողովրդավարության» մասին, որը Արևմուտքում փորձում են գովաբանել»։
Մինչ Փաշինյանի կառավարությունը խաթարում է Հայաստանի միջազգային հեղինակությունը, կալանավորված Սամվել Կարապետյանը շարունակում է իր բարեգործական ձեռնարկները։ «Մեր ձևով» շարժման անդամ Ռուբեն Մխիթարյանը հայտնել է, որ Գյումրիի հռչակավոր «Վառեմ-մարեմ» շենքը վերականգնվում է հենց Տաշիր ընկերության և անձամբ Սամվել Կարապետյանի միջոցներով։
Լայն թափով ընթանում են նաև «Մեր ձևով» շարժման աշխատանքները։ Իր ուղերձում Սամվել Կարապետյանը նշել է․
«Հայ ժողովուրդն արժանի է արժանապատիվ կյանքի, իսկ մեր պետությունը՝ հարգանքի։ Եվ այդ ամենին մենք հասնելու ենք ամենօրյա նվիրված աշխատանքով։ Անելու ենք՝ Մեր ձևով»։
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Մինչ Փաշինյանն ու նրա նախարարները զբաղված են անձնական որակավորումներ տալով, մենք զբաղված ենք աշխատան...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
«Բանակցել է Նիկոլ Փաշինյանը». Նարեկ Կարապետյանը տեսանյութ է հրապարակել
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
