Ավստրալիան խզում է Իրանի հետ դիվանագիտական հարաբերությունները․ դեսպանը լքել է Թեհրանը
Իրանի արտաքին գործերի նախարարության մամուլի քարտուղար Իսմայիլ Բաղային հայտարարել է Իրանից Ավստրալիայի դեսպանի հեռանալու մասին և հաստատել, որ դա արվել է դիվանագիտական նորմերին և միջազգային օրենքներին համապատասխան ձևով, հայտնում է «Mehr» լրատվական գործակալությունը։
Բաղային «անարդարացի» է անվանել Ավստրալիայի կողմից դիվանագիտական հարաբերությունների մակարդակը իջեցնելու որոշումը։
«Մենք չենք ողջունում դիվանագիտական կապերի կրճատումը, քանի որ կարծում ենք, որ այս գործողության համար որևէ պատճառ կամ արդարացում չկար,և դա ազդում է մեր երկու երկրների միջև հարաբերությունների վրա», - ասել է նա։
Բագաին ընդգծել է, որ դիվանագիտական արձանագրություններին համապատասխան Իրանն արձագանքել է Ավստրալիայի գործողություններին՝ իջեցնելով Թեհրանում Ավստրալիայի դիվանագիտական ներկայացուցչության մակարդակը:
Նա հաստատել է, որ այս միջոցառումը համընկնում է Իրանից Ավստրալիայի դեսպանի հետկանչի հետ։ Չնայած դիվանագիտական սահմանափակումներին, Բաղային նշել է, որ Կանբերրայում Իրանի հյուպատոսական բաժինը շարունակում է գործել և ընդգծել է, որ դեսպանատան նպատակն է անհրաժեշտ հյուպատոսական ծառայություններ մատուցել Ավստրալիայում բնակվող Իրանի քաղաքացիներին։ Նա նաև մերժել է Իրանի հասցեին հնչող հակասեմականության մեղադրանքները՝ դրանք անվանելով «անհեթեթ և անհիմն»։
Ավելի վաղ՝ օգոստոսի 26-ին, Ավստրալիայի վարչապետը հայտարարել էր, որ Թեհրանը կանգնած է Ավստրալիայում տեղի ունեցած երկու հակասեմական հարձակումների հետևում և հրամայել էր Կանբերրայում Իրանի դեսպան Ահմադ Սադեղիին, ինչպես նաև երեք այլ իրանցի դիվանագետների լքել երկիրը յոթ օրվա ընթացքում։
Կանբերրան նաև դադարեցրել Է Թեհրանում իր դեսպանատան աշխատանքը և կոչ է արել Իրանում բնակվող Ավստրալիայի քաղաքացիներին հնարավորինս շուտ լքել երկիրը, եթե պայմանները թույլ տան:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
