Հովտաշենում բերքը վառվում է, ոռոգման ջուր չկա
Արարատի մարզի Հովտաշեն վարչական շրջանի բնակիչները շարունակում են մնալ տարիներ ձգվող նույն խնդրի առաջ. ոռոգման ջուր չկա, բերքը վառվում է, իրենք էլ մնում են կոտրած տաշտակի առաջ։ Երեկ հովտաշենցիները ճանապարհ էին փակել, պահանջել, որ իրենց հարցին լուծում տրվի, գյուղացին չպետք է անտեսվի, արդեն իր ապրուստի միակ միջոցից՝ հողից է զրկվում։
«Սա նոր խնդիր չէ, տարիներ շարունակ նույն հարցը բարձրացնում ենք։ Խնդիրն այն է, որ մենք ՋՕԸ-ի շահառու չենք, խողովակներ չկան, որ ոռոգման ջուրը նաև մեր գյուղ հասնի։ Դրա համար էլ գյուղը մնում է առանց ոռոգման։ Նախկինում համայնքի մի հատվածը՝ 30 հեկտարի չափով, Մխչյանի հորից էր օգտվում, հիմա դա էլ չկա»,- MediaHub-ի հետ զրույցում ասաց Հովտաշենի վարչական ղեկավար Արմեն Ալեքսանյանը։
Նրա խոսքով՝ խնդրին ինքն էլ է ծանոթ, Արտաշատի համայնքապետն էլ։ Դիմումներն ուղարկված են ու հիմա հույս կա, որ ՋՕԸ-ի շահառու վերջապես կդառնան իրենք։
«Բայց մինչ այդ էլ համայնքապետին դիմել ենք, որ ջրօգտագործման թույլտվություն տա, որ մենք էլ դա ներկայացնենք ՋՕԸ՝ ինչ-որ հորից օգտվելու համար։ Սպասում ենք, որ տեսնենք՝ ինչ կստացվի»,- նշեց մեր զրուցակիցը։
Հարցին, թե հիմա մոտավորապես ի՞նչ վնաս է կրել հովտաշենցին, համայնքի վարչական ղեկավարն արձագանքեց՝ դե, մի տարվա հարց չէ, հողակտորներ կան, որ տասը տարվա չափ չեն ոռոգվել, ու հիմա բարդ է հաշվել, թե ինչ կլիներ, եթե այդ հողատարածքում, օրինակ, առվույտ մշակվեր։
«Ամեն դեպքում վնաս է կրում գյուղացին, եթե ոռոգման ջուր չունի»,- ասաց Արմեն Ալեքսանյանը։
Նարե Գնունի
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Մինչ Փաշինյանն ու նրա նախարարները զբաղված են անձնական որակավորումներ տալով, մենք զբաղված ենք աշխատան...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
«Բանակցել է Նիկոլ Փաշինյանը». Նարեկ Կարապետյանը տեսանյութ է հրապարակել
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
