Հարյուրից ավելի փոքրիկներ զրկված են մանկապարտեզից. «Փաստ»
«Փաստ» օրաթերթը գրում է.
Արմավիրի մարզի Արևիկ համայնքում հարյուրից ավելի փոքրիկներ մանկապարտեզ հաճախելուց զրկված են: Գործել է մինչև 1997 թվականը, այժմ մանկապարտեզի շենքում մի քանի մարդ է ժամանակավոր բնակվում: Համայնքի կենտրոնական փողոցում գտնվող նախկին մանկապարտեզի շենքն այսօր կիսաքանդ է: Մի քանի ընտանիքներ, ովքեր բնակվելու կացարան չեն ունեցել, տեղավորվել են այդ շենքում։ Որոշ ժամանակ բնակվելուց հետո սկսել են դռներն ու պատուհանները, հատակի փայտերը վառել, որպեսզի ձմռանը չսառչեն: Փոքրիկներ ունեցող ընտանիքները «Փաստ» օրաթերթի թղթակցի հետ զրույցում մանկապարտեզ ունենալն անհրաժեշտություն են համարում:
«Մենք դաշտերում աշխատանքի ենք գնում, բայց երեխաներին պահող չկա: Դրա համար էլ շատ հաճախ հողամասում չենք կարողանում աշխատել: Եթե մանկապարտեզ լիներ, մեր էրեխեքին տանեինք, գործ կանեինք»,– սրտնեղեցին նրանք:
Այստեղ մանուկները լիարժեք մանկություն ունենալու հնարավորություն չունեն: Մանկական հրապարակ էլ չունեն:
«Ամբողջ օրը փոշու ու կեղտի մեջ են խաղում: Մանկապարտեզը նաև երեխաներին կզարգացներ»,–ասաց Արևիկի բնակչուհին:
Սեփական միջոցներով մանկապարտեզ ունենալն այստեղ թանկ հաճույք են համարում: Համայնքի ղեկավար Գառնիկ Ծատուրյանը մանկապարտեզի կառուցումը համայնքապետարանի հնարավորություններից վեր է համարում, սակայն, ընդգրկում է քառամյա ծրագրերում որպես հիմնախնդիր:
«Շատերը երեխաներին դժվարությամբ կողքի համայնքներն են տանում, մյուսները՝ նույնիսկ այդ հնարավորությունն էլ չունեն: Մեր ծրագրում միշտ նախատեսված է մանկապարտեզի կառուցումը, որովհետև մեծ գյուղ է ու մանկապարտեզ է պետք»,– կարևորեց նա:
Ծատուրյանը նաև պատմեց, որ նախկին վարչապետ Հովիկ Աբրահամյանը խոստացել էր մանկապարտեզ կառուցել:
«Ասաց՝ նախահաշվարկ արեք, տեսնենք՝ ինչ է լինում, հաշվարկեցինք, բայց վարչապետը հրաժարական տվեց ու ծրագիրն այդպես էլ մնաց»,– տեղեկացրեց համայնքի ղեկավարը:
Մոտ 300 միլիոն դրամ կարժենա մանկապարտեզի կառուցումը: Սեփական միջոցներով այդքան ծախսի տակ մտնել չենք կարող: Համայնքի ղեկավարն ասաց, որ կարող են միայն մասամբ ֆինանսավորել:
Գյուղացիներն այսօր իրենց խնդիրը կառավարության ուշադրությանն են հրավիրում:
Նրանց խոսքով՝ իրենց գյուղում վերջին տարիներին ոչ մի բարեկարգում չի կատարվում, եղածն էլ քանդվում է: Ըստ գյուղացիների՝ Արևիկը «մահանում» է, քանի որ ուշադրություն դարձնող չկա:
Շարունակությունը՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
