Դեսպանների հավաքին ուշագրավ զարգացումներ են սպասվում
Օգոստոսի 25-ից 27-ը Սյունիքում, Կապան քաղաքում տեղի է ունենալու Արտաքին գործերի նախարարության տարեկան ամենամյա ժողովը, որը ընդունված է «դեսպանահավաք» անվանել։ Ավանդաբար օգոստոսին անցկացվող այս խորհրդակցությանը հրավիրվում են աշխարհի տարբեր երկրներում Հայաստանի դեսպանները, դիվանագիտական ներկայացուցիչները, ԱԳՆ աշխատակազմը, ինչպես նաև Հայաստանում հավատարմագրված դիվանագիտական ներկայացուցչությունների ղեկավարները, և ներկայացնում են հաջորդ տարվա անելիքները արտաքին քաղաքական ճակատում։ Փաշինյանական իշխանությունը ամենևին էլ պատահաբար չէ, որ ընտրել է Սյունիքը, հատկապես վաշինգտոնյան համաձայնագրի ստորագրումից հետո, երբ Հայաստանի իշխանությունը պարտավորվել է «անխոչընդոտ ճանապարհ» տրամադրել Ադրբեջանին։ Փորձ է արվում քարոզչական նոր էֆեկտ հաղորդել իրենց խաղաղության կեղծ ու ձախողված օրակարգին, ուստի հենց դեսպանների հավաքն էլ անելու են Սյունիքում։
Մեր տեղեկություններով՝ բոլոր դեսպաններին պարտադրել են ներկայանալ Կապան և մասնակցել խորհրդակցությանը։ Ընդ որում, չի բացառվում, որ հենց այդ խորհրդակցության ընթացքում և դրանից հետո որոշ դիվանագետների պարզապես ազատեն աշխատանքից։ Բանն այն է, որ շատ դեսպաններ ամենևին էլ խանդավառված չեն վաշինգտոնյան փաստաթղթով, հրաշալի հասկանում են դրա թե՛ քաղաքական, և թե՛ դիվանագիտական խութերը, որոնք կարող են ոչ միայն երկրին վնաս հասցնել, այլ նաև ազդել իրենց անձնական կարիերայի վրա։ Ներքին խոսակցություններում որոշ դիվանագետներ, նաև ԱԳՆ աշխատակիցներ, հայտարարել են, թե ցանկանում են լքել իրենց աշխատանքը, քանի որ այլևս անհնար է աշխատել Փաշինյանի իշխանության օրոք, առավել ևս, ստորագրված համաձայնագիրը «ծանր հետևանքներ է ունենալու առաջիկայում», և չեն ցանկանում պատասխանատվություն ստանձնել։
Թե ինչ ընթացք կունենա դեսպանահավաքը, պարզ կլինի առաջիկայում։
Մարինե Մելքումյան
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
