3 հողամաս, 2 առանձնատուն. ի՞նչ է հայտարարագրել Սիմոնյանը. «Փաստ»

«Փաստ» օրաթերթը գրում է.

Պաշտպանության նախարարության իրավաբանական վարչության պետ Սասուն Սիմոնյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Ըստ հայտարարագրի՝ Սիմոնյանի սեփականությունն են համարվում երեք հողամասը և երկու առանձնատունը: Որպես շարժական գույք է հայտարարագրել «VOLKSWAGEN GOLF 1.6» մակնիշի ավտոմեքենա:

Սիմոնյանը պաշտոնը ստանձնելու օրվա դրությամբ դրամական միջոցներ չի ունեցել, իսկ հունվարի 1–ից մինչև այդ օրն ընկած ժամանակահատվածում ստացված եկամուտները կազմել են ավելի քան 3 միլիոն դրամ և գոյացել 2 միլիոն 856 հազար ու 594 հազար դրամ աշխատավարձերից, ինչպես նաև 465 հազար դրամ կենսաթոշակից:

ՊՆ պաշտոնական կայքէջից տեղեկանում ենք, որ Սիմոնյանն այս պաշտոնում է նշանակվել երկու տարի առաջ:

Շարունակությունը՝ «Փաստ» օրաթերթի այսօրվա համարում