ՀՖՖ-ն փորձում է ապահովագրվել քննադատություններից
Հայաստանի ֆուտբոլի ֆեդերացիան լավ ձև է գտել երկրպագուների քննադատություններից գոնե առժամանակ խուսափելու համար։ Երեկ ֆեդերացիայի գործկոմը հայտարարեց, որ Հայաստանի ֆուտբոլի ազգային հավաքականի գլխավոր մարզիչ է նշանակում «Փյունիկ» թիմի նախկին գլխավոր մարզիչ Եղիշե Մելիքյանին, իսկ հոլանդացի մասնագետին, ով ընդամենը 4 խաղ էր հասցրել մասնակցել և առանձնապես չէր էլ կարողացել կենտրոնանալ թիմի հեռանկարների վրա՝ բարի ճանապարհ մաղթեցին, շոշափելի գումարներ վճարելով պայմանագիրը վաղաժամկետ կասեցնելու համար։
Մելիքյանը վերջին տարիներին Հայաստանի ֆուտբոլի ֆեդերացիայի տխրահռչակ ղեկավարության գլխավոր քննադատներից մեկն էր, բազմիցս կոշտ էր արտահայտվել Արմեն Մելիքբեկյանի ու Արմեն Նիկողոսյանի հասցեին։ «Ես պատերազմ եմ հայտարարում, թքած ունեմ աշխատանքի վրա, պայքարելու եմ մեր ֆուտբոլը կեղտոտողների դեմ»,– ասել էր Եղիշե Մելիքյանը՝ հրաժարվելով ընդունել ՀՖՖ-ից լավագույն մարզչի մրցանակը։ Ավելին, նա ՀՖՖ փոխնախագահ Արմեն Նիկողոսյանին ֆուտբոլի «սեռի կարդինալ» էր անվանել, և այսքանից հետո այժմ էլ աշխատելու է Նիկողոսյան և Մելիքբեկյան Արմենների ձեռքի տակ։
Մի կողմ թողնենք Եղիշե Մելիքյանին՝ իր «սկզբունքային գործողություններով», փաստն այն է, որ ՀՖՖ ղեկավարությունը այս նշանակումն օգտագործում է ընդամենը ժամանակավորապես իրենց վրայից քննադատությունների թիրախը հեռացնելու նպատակով։ Կարճ ժամանակ անց Հայաստանի ազգային հավաքականը հանդիպելու է աշխարհի լավագույն հավակնորդներից մեկին՝ Պորտուգալիային, և Եղիշե Մելիքյանն իր պաշտոնավարումը սկսելու է բավականին «ծանր» պարտությամբ։ Որևէ մեկը չի էլ կասկածում դրա մեջ։ Իսկ Ֆուտբոլի ֆեդերացիան լավ կանի պատասխանի, թե ինչու է Ջենիֆեր Լոպեսի համերգից հետո Վազգեն Սարգսյանի մարզադաշտի խոտածածկույթը վերածվել արոտավայրի։
Այնպիսի խայտառակ վնաս է հասցվել, որ մի քանի ամիս շարունակ դեռևս այդ խոտածածկույթը վերականգնել հնարավոր չի լինի։
Արմինե Գալստյան
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
