Թրամփը կորցնում է համբերությունը, քանի որ կարծում է՝ Պուտինը դիտավորյալ ժամանակ է ձգձգում Ուկրաինայի հարցում. Ռուբիո
ԱՄՆ նախագահ Դոնալդ Թրամփը կորցնում է համբերությունը, քանի որ կարծում է՝ ՌԴ նախագահ Վլադիմիր Պուտինը դիտավորյալ ժամանակ է ձգձգում Ուկրաինայում խաղաղության բանակցություններում,: Նման հայտարարությամբ է հանդես եկել ԱՄՆ պետքարտուղար Մարկո Ռուբիոն, գրում է dw.com-ը:
«Կարծում եմ՝ նա ավելի ու ավելի է հիասթափվում: Չնայած Պուտինի հետ շատ լավ շփումներին և հեռախոսազրույցներին, սակայն ոչինչ չի ստացվում։ Այնպես որ, ժամանակն է գործել, և կարծում եմ՝ նախագահը շատ հստակ հասկացրել է, որ կորցնում է համբերությունը։ Նա կորցնում է ցանկությունը սպասելու, որ ռուսական կողմը ինչ-որ բան անի այս պատերազմը դադարեցնելու համար», - ասել է ԱՄՆ պետքարտուղարը։
Նրա խոսքով՝ Թրամփը կարծում է, որ Պուտինը իր հետ բանակցություններ էր վարում միայն ժամանակ ձգձգելու համար. «Այս փոխազդեցության մեծ մասը իրականում նպատակ ուներ ժամանակ շահել և ձգձգելու մարտավարություն կիրառել»։ ԱՄՆ նախագահը «չի ընկնի այդ թակարդը», - ընդգծել է Ռուբիոն։
«Նախևառաջ, բոլորը պետք է շատ ուրախ լինեն, որ նախագահ Դոնալդ Թրամփը կենտրոնացած է խաղաղության վրա։ Նա ոչինչ այնքան չի ուզում, որքան խաղաղության համաձայնագրերի մաս կազմելը, պատերազմները դադարեցնելը, պատերազմները կանխելը։ Սա նրա պատերազմը չէ, նա չի սկսել այս պատերազմը, նա ժառանգել է այն։ Եվ նա արել է ամեն ինչ, որ կարող է այն ավարտելու համար», - հավելել է ԱՄՆ պետքարտուղարը։
Հուլիսի 14-ին Սպիտակ տանը ՆԱՏՕ-ի գլխավոր քարտուղար Մարկ Ռուտեի հետ բանակցությունների ժամանակ Թրամփը հայտարարել է, որ ԱՄՆ իշխանությունները Ռուսաստանի առևտրային գործընկերների նկատմամբ կներդնեն 100% երկրորդային մաքսատուրքեր, եթե Ուկրաինայում խաղաղության վերաբերյալ համաձայնագիր չկնքվի առաջիկա 50 օրվա ընթացքում (մինչև սեպտեմբերի 2-ը):
Այնուհետև ԱՄՆ նախագահը հայտարարել է, որ Ուկրաինայում խաղաղության բանակցություններում, այդ թվում՝ իր և Պուտինի միջև անմիջականորեն, «անընդհատ խոսակցություններ» են ընթանում։ «Սակայն դրանից հետո հրթիռները թռչում են Կիևի վրա և սպանում մարդկանց: Սա պետք է դադարեցվի», - պահանջել էր ԱՄՆ նախագահը՝ հավելելով, որ ինքը «հիասթափված է Պուտինից» և հույս ուներ ամիսներ առաջ նրա հետ խաղաղության համաձայնագրի հասնել։
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Մինչ Փաշինյանն ու նրա նախարարները զբաղված են անձնական որակավորումներ տալով, մենք զբաղված ենք աշխատան...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
«Բանակցել է Նիկոլ Փաշինյանը». Նարեկ Կարապետյանը տեսանյութ է հրապարակել
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
«Մեր ձևով»-ը ՔՊ-ի համար լուրջ խնդիրներ է ստեղծում՝ ինչը բնականաբար լավ է․ Գառնիկ Դավթյան
