Երեկվա ուժգին քամու հետևանքները. «Փաստ»
«Փաստ» օրաթերթը գրում է.
Նախօրեի երեկոյան և գիշերվա ընթացքում հանրապետության մի քանի մարզում գրանցված ուժեղ քամին վնասներ է հասցրել:
Լոռու մարզում ուժեղ քամու հետևանքով Ստեփանավան քաղաքի մի քանի թաղամասեր են հոսանքազրկվել: «Փաստ» օրաթերթի թղթակցի հետ զրույցում հայտնեց քաղաքապետի խորհրդական Լևոն Քալանթարյանը: Որոշ թաղամասերում նաև գազամատակարարումն է դադարեցվել: Քամու հետևանքով 3 էլէկտրասյուն է շրջվել և վնասել գազատար խողովակը, ինչից տեղի է ունեցել գազի արտահոսք՝ հրդեհի բռնկումով:
«Ծառն է պոկվել ու ընկել հենասյան վրա, ինչի հետևանքով էլ դեպքն է տեղի ունեցել»,– մանրամասնեց նա:
Քամու հետևանքով այլ վնասներ Ստեփանավանում չեն արձանագրվել: Այժմ գազամատակարարումը վերականգնելու համար աշխատանքներ են տարվում:
«Մի երկու ժամից արդեն գազ էլ կունենան, հոսանք էլ, ջոկատներն այդ ուղղություններով աշխատում են»,– հավաստիացրեց մեր զրուցակիցը:
Քամի գրանցվել է նաև Արարատի և Արմավիրի մարզերում: Բնակիչների փոխանցմամբ՝ թեև քամին ուժեղ չի եղել, բայց մասնակի վնասներ են կրել: Քամին տանիքներից թիթեղներ է քշել ու հարված հասցրել ջերմոցային տնտեսություններին:
«Ջերմոցի ցելոֆոններն ամբողջովին պոկել տարել է: Նոր եմ ջերմոց դրել՝ ձմռան համար կանաչի եմ ցանել: Ցելոֆոնի կեսը չկա»,– պատմեց Ազատաշեն համայնքի բնակչուհին:
Էջմիածնի տարածաշրջանի մի շարք համայնքներ էլ հոսանքազրկվել են:
Արտակարգ իրավիճակների նախարարության տարածած հաղորդագրության համաձայն՝ քամուց Իջևան–Դիլիջան հատվածի 15–րդ կմ–ում ծառ է ընկել, ինչից ավտոճանապարհը դարձել է միակողմանի երթևեկելի: Հրշեջ–փրկարարները մասնատել են ծառը և հեռացրել ճանապարհի երթևեկելի հատվածից:
«Հաղարծին» հյուրանոցի մոտակայքում նույնպես քամուց ծառի ճյուղ է կոտրվել, ընկել ճանապարհի երթևեկելի հատվածում:
Շարունակությունը՝ «Փաստ» օրաթերթի այսօրվա համարում
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Նպատակը հստակ է՝ մոռացության տալ. «Փաստ»
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
