Ընդդիմության դեմ ռեպրեսիաներն ավելանալու են
Փաշինյանի Թուրքիա այցը նշանավորվեց Հայաստանում ընդդիմության կողմնակիցների զանգվածային ձերբակալություններով, խուզարկություններով և հերթական ապօրինություններով։ Երեկ, ցերեկն արդեն «Սրբազան պայքար» շարժումը հայտարարեց, որ Հայաստանի տարբեր վայրերում ոստիկանությունը զանգվածային ձերբակալություններ է սկսել։ Վերջնական թիվը նույնիսկ այս պահին պարզ չէ, բայց ակնհայտ է, որ 5 տասնյակից ավելի մարդկանց ձերբակալել, տեղափոխել են ոստիկանական բաժանմունքներ։
Ներքին գործերի նախարարությունը հայտարարել է, թե օպերատիվ տվյալներ են ստացել հասարակական կարգի խաթարմանն ուղղված գործողությունների նախապատրաստման վերաբերյալ։ «Ոստիկանությունն իրականացնում է ուժեղացված ծառայություն, ինչի շրջանակում ձեռնարկում են կանխարգելիչ-բացատրական աշխատանքներ, կոչ ենք անում պահպանել հասարակական կարգը, ցանկացած հակաօրինական դրսևորում արժանանալու է կոշտ հակազդման»,- սպառնացել են ՆԳՆ-ից, բայց փաստացի իրենց իսկ հայտարարությամբ ապացուցելով, որ ապօրինություններ են գործում։
Ի վերջո, բոլոր ձերբակալվածներին ազատ են արձակել, իսկ ոստիկանությունում հարցադրումներ են արել զանգվածային անկարգությունների և այլ բողոքի գործողությունների նախապատրաստման վերաբերյալ, ինչն, իհարկե, առնվազն անհեթեթ է։
Ընդդիմությունը, բոլոր պատճառներն ունի Փաշինյանի դեմ բողոքի գործողություններ սկսելու, հատկապես Թուրքիա այցելելու և հայկական շահերը հերթական անգամ զիջելու ֆոնին։ Բայց Փաշինյանն էլ այս ձերբակալություններով նպատակ ուներ հենց թուրքական կողմին համոզելու, որ իբր պինդ տղա է և կարողանում է վերահսկել իրավիճակը Հայաստանում։ Ըստ ամենայնի, հենց դա են նրանից պահանջում թուրքական իշխանությունները։
Սյունե Գևորգյան
Բաց խոսակցություն պետական համակարգի հետ. Հրաչյա Ռոստոմյան
Խաղաղության պայմանագրից հետո Ադրբեջանի քաղաքացին իրավունք կունենա հող գնել ՀՀ-ում. Նարեկ Կարապետյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Նոր աշխարհակարգի չինական առանցքը և Հայաստանի խնդիրը. «Փաստ»
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
Հունիսի 3-ին մենք նշում ենք մեր մեծ հաղթանակի սկիզբը. Սամվել Կարապետյան
