Հիշենք, որ ապրիլյան մարտական գործողություններին 6-7 ամիս առաջ նախորդել էին Տավուշի միջադեպերը

ԳԱԼԱ-ի հարցազրույցը քաղաքագետ Տիգրան Աբրահամյանի հետ:

-Թշնամին այսօր վաղ առավոտյան դիվերսիոն ներթափանցման փորձ իրականացրեց ՀՀ պետական սահմանի ուղղությամբ, ինչի արդյունքում ունեցանք զոհեր ու վիրավորներ: Ինչո՞վ եք պայմանավորում թշնամու ակտիվացումը:

-Ադրբեջանի ակտիվացումը պայմանավորված է ինչպես բանակցությունների փաստացի բացակայությամբ, այնպես էլ՝ առաջնագծում իրականացնող մարտավարական առանձնահատկություններով: Դա ենթադրում է առաջնագծում մշտական լարվածության պահպանում, առավելագույն կորուստների հասցնում:

-Փաստորեն այսպիսով հակառակորդը ցույց է տալիս, որ խնդիր ունի ոչ միայն Արցախի, այլև հենց ՀՀ հետ: Ի՞նչ է անելու այս դեպքում հայկական կողմը:

-Ադրբեջանը բազմիցս տարածքային նկրտումներ է դրսևորել ոչ միայն բուն Արցախի, այլ նաև Հայաստանի Հանրապետության տարածքների նկատմամբ, այդ տեսանկյունից այստեղ որևէ նորություն չկար:

Հայկական կողմը պետք է իր քայլերն ուղղի ոչ միայն հակառակորդի ոտնձգությունները կասեցնելու, անհամաչափ հարվածներ հասցնելու, այնպես էլ՝ դիվանագիտական խողովակներով իրավիճակի վերաբերյալ պատշաճ տեղեկատվությունը համապատասխան միջազգային կառույցներին ու միջնորդ երկրներին հասցնելու ուղղությամբ:

Հիշենք, որ 2016 թվականի ապրիլյան մարտական գործողություններին 6-7 ամիս առաջ նախորդել էին Տավուշի տարբեր բնակավայրերի ուղղությամբ հրետակոծության իրականացման միջադեպեր, որոնց արդյունքում նաև խաղաղ բնակիչներ էին զոհվել:

Շարունակությունը` այստեղ